لطرق السفر الطويلة: ليستة أغاني مناسبة لكل مود

في إجازة العيد اللي تُعتبر موسم السفر، مابنصدق نلم حاجتنا ونجري على سفرية في أي حتة نفصل بيها من روتين يومنا، وعلشان ناس كتير مننا بتحب تسافر أماكن جوا مصر، وتكتشف أجواء مختلفة فيها، السفر بيبقى بالعربيات، سواء أنت اللي سايق أو مع أصحابك في العربية، هنعملك ليستة أغاني تناسب مودك أيًا كان، في أول الطريق وفي نصه وفي أخره وأنت بتفقد الشغف وبتنام. مهما كانت شخصياتكم، هنعملك ليستة أغاني لطريق السفر، دمج لذيذ يرضي كل الأذواق، بس أنت برضه وسع خُلقك كده واسمع كل الأذواق علشان أنت مش في السفرية لوحدك ها.

الحماس

في الأول كده ،وأنتم لسه متحمسين وفي كامل طاقتكم، أكيد محتاجين مزيكا تناسب الطاقة دي، عليك وعلى الراب، وعلى أغاني التسعينات وحميد الشاعري ومصطفى قمر، هتاخدوا واحدة “واه يا غزالي” تفجر كل طاقتكم. ومفيش مانع برضه من حبة تراب كده، وتحقق معادلة نسر السين: “راي على تراب على حلم عربي,”

وخلينا نبتدي بـ”بالسلامة” علشان توصلوا بالسلامة زيّ ويجز.

وأغنية الصيف الرسمية، مع إن دلوقتي عدى عليها سنين، بس هي الراعي الرسمي للسفريات في الصيف:

وعلشان تحققوا المعادلة، اسمع “عفاريت الأسفلت” علشان تتحمس للطريق وماتنامش، بس ماتتحمسش وتاخدك الجلالة أوي علشان الحوادث بس.

وخد دي كمان علشان يبقى كله تحت الكنترول.

السرحان مع سحر الطريق

علشان لو أنت من الناس اللي عندها حس فني وحتى وأنت راكب ميكروباص في عز الزحمة بتحب تقعد جنب الشباك وتسند راسك عليه وتسمع أغاني وتتخيل سيناريوهات على مشاهد قدامك، خد الأغاني دي معاك.

حط على الجرح كولونيا

ودول ينفعوا برضه لصاحبك المجروح لو بتحبوا تقلبوا على بعض المواجع بمناسبة ومن غير مناسبة.

الفوقان بعد الندب

مود الفوقان اللي بنستوعب إن لابد منه بعد فقرة الجراح، ممكن تبتدوها بدي بقى جراح برضه، بس بصوت عالي كده وخناق على الضيق.

الشوية اللي قبل الوصول

بنرجع للحماس تاني إن خلاص قربنا نوصل وهنبتدي تنفيذ الخطط اللي بنحلم بيها بقالنا فترة وبنرتب ليها.

وعلشان أخر الطريق والعربية نفسها هتبقى خلاص بتودّع وتنهار منك، حسس نفسك إنك راكب تسلا زيّ مروان موسى.

أخر كلمة: ماتفوتوش قراءة: ازاي السفر ممكن يغير حياتك وشخصيتك؟ والدراسات بتأكد الكلام ده

تعليقات
Loading...
Tweet
Share
Share
Pin