لأول مرة: معرض القاهرة الدولي للتكنولوجيا يتيح التعامل الرقمي من المحفظة الإلكترونية

في الدورة الـ 24 لمعرض القاهرة الدولي للتكنولوجيا “Cairo ICT” اللي هتبدأ فعاليتها من يوم 22 لـ 25 نوفمبر الجاري، في مركز مصر للمعارض الدولية، لأول مرة هيتيح التعامل الرقمي من خلال خدمة شحن المحفظة الإلكترونية والتعامل بيها في عملية الشراء من منافذ المعرض بدل الدفع النقدي، وده ضمن تشجيع التعامل الرقمي في مصر اللي بتسعى ليه الدولة من خلال مجهودات كبيرة في كل المجالات الحكومية، والمجهودات دي بانت أكتر السنادي للحد من انتشار فيروس كورونا.

وأعلنت إدراة المهرجان إن دي أول مرة في مصر هيتم التعامل فيه بشكل مش نقدي، من خلال خدمة Cachless اللي بتقدمها شركة كاش كول، المتخصصة في خدمات الدفع الإلكتروني اللي تأسست بالتعاون مع شركة فيكتوري لينك ومجموعة “إم.دي.آي.سي” وصندوق التمويل “سكاش”.

والخدمة دي هتتوفر بطريقة بسيطة للي هيزوروا المعرض، ويقدروا يستخدموها من خلال شحن المحفظة الإلكترونية من منافذ متوفرة في نطاق المعرض، علشان يشتروا كل الحاجات اللي عايزينها من المعرض بكل سهولة من خلال الـ QR code، أو إنهم يدخلوا رقم موبايلهم، من غير ما يحتاجوا للدفع النقدي، وده هيساعد بشكل كبير في تقليل التجمعات بين الأفراد، وإن يحصل اتصال مباشر بينهم وده من ضمن الإجراءات الوقائية ضد فيروس كورونا.

عن: Kaspersky

المعرض في دوراته السابقة حقق إنجازات كتير من ضمنها مبادرات مهمة أطلقها الرئيس عبد الفتاح السيسي رئيس الجمهورية زيّ مبادرة “مصر تصنع الإلكترونيات”، اللي كان هدفها توطين التصنيع الإلكتروني، ومبادرة لتدريب 10 آلاف شاب مصري وأفريقي على التطبيقات الرقمية، ومبادرات تانية لدمج ذويّ الهمم وتمكينهم تكنولوجيًا، وكمان توفير مراكز الإبداع في جامعات ومحافظات مختلفة لدعم تحويل أفكار الشباب لشركات ناشئة.

آخر كلمة: ماتفوتوش قراءة: جوجل تدعم التحول الرقمي في مصر ببرنامج تجريبي بـ 9 مليون دولار.

تعليقات
Loading...
Tweet
Share
Share
Pin