لأول مرة: باحث مصري قدر يشوف حركة الـ DNA في الخلايا الحية

قدر الدكتور هيثم شعبان مع فريقه البحثي في المعهد الاتحادي السويسري للتكنولوجيا في لوزان إنه يبني ميكروسكوب ضوئي عالي الدقة والوضوح، والميكروسكوب ده بيتيح للعلماء رؤية حركة الـDNA بالكامل في الخلايا الحية بدقة النانومتر.

التقنية الجديدة اللي طورها الباحث المصري هتمكن العلماء من رؤية وبحث التفاعل الديناميكي جوا الخلايا السرطانية، وده هيساهم في فهم كيفية فقدان الخلايا السليمة لهويتها وتحولها لخلايا سرطانية. وهيتم كمان استخدامها في تشخيص الأمراض الجينية وفي الطب الشخصي.

بواسطة: فيسبوك

تقنية الـ DNA الجديدة تم تطويرها عن طريق دمج الميكروسكوب الضوئي الفلوريسيني بإحدى طرق الذكاء الاصطناعي. وقبل قيام فريق الدكتور شعبان بالبحث ده، كان تصوير الجينوم مُقتصر على الخلايا الميتة اللي أعاقت مراقبة الجينوم وهو نشط، وكمان كان في عقبات فنية لدراسة ديناميات وبنية الجينوم بأكمله في الخلايا الحية.

الدكتور هيثم شعبان بيشتغل كباحث مستقل في المعهد الاتحادي السويسري للتكنولوجيا في لوزان، ومشاريعه البحثية الحالية حاصلة على تمويل من الاتحاد الأوروبي لاستخدام وتطوير التكنولوجيا الحديثة لدراسة التعبير الجيني للخلايا الجذعية الجنينية وعلاقتها بتنظيم الجينوم، وده لاهتمامه الشديد وتركيز أبحاثه على الجينات والحمض النووي البشري، وكيفية بناء ميكرسكوبات فائقة الدقة والوضوح لدراسة الهياكل البيولوجية والبروتينات والمادة الوراثية في الخلايا البشرية.

والباحث المصري خريج كلية العلوم جامعة الأزهر، وحاصل على دكتوراه مزدوجة في فيزياء البصريات والضوئيات من جامعة إيكس مرسيليا في فرنسا، ومن المختبر الأوروبي للتحليل الطيفي غير الخطي بجامعة فلورنسا في إيطاليا.

آخر كلمة: لو حابين تستفيدوا بمعلومات طبية متنوعة بشكل مبسط وسريع، بننصحكم بقراءة الطب سهل: تابعوا الدكتور المصري اللي بيصحح كل الأساطير والمفاهيم الطبية الخاطئة

تعليقات
Loading...
Tweet
Share
Share
Pin