في عيد ميلاد الجميلة حورية فرغلي، تعالوا نحتفل بيها وبإنجازاتها المختلفة

حورية فرغلي ممثلة مصرية، اتولدت في 18 أكتوبر من سنة 1977 في دولة الإمارات، وعاشت هناك، ورجعت مصر في سنة 2009، حورية درست إدارة الأعمال في إنجلترا، وهي بطلة العالم العربي في الفروسية، وفازت بمسابقة ملكة جمال مصر سنة 2002.

حورية فرغلي شاركت بأعمال سينمائية وتلفزيونية مختلفة ومتنوعة كتير، فعملت دور البنت الشعبية في فيلم “كلمني شكرًا”، ودور الراقصة في فيلم “كف القمر”، ودور الأرستقراطية في مسلسل “حكايات بنات”، وشاركت في أفلام ومسلسلات تانية كتير زي “رد فعل”، و”حلم عزيز”، و”عبده موتة”، و”دوران شبرا”، و”بدون ذكر أسماء”، وشاركت في أول دور بطولي لها في مسلسل “ساحرة الجنوب”. ومؤخرًا ظهرت حورية في مسلسل مملكة الغحر وفي فيلم “استدعاء ولي عمرو”.

الفنانة الموهوبة حورية فرغلي عاشت مآسويات كتيرة في حياتها، فهي اتحرمت من نعمة الإنجاب بسبب ورم في الرحم، وتوفى خطيبها قبل فرحها بيوم، ومرت بحادث سقوط من على الفرس اللي أدى لكسر مناخيرها ولما عملت عملية جراحية لإصلاحها، حصلها مشكلة في التنفس، ولما عملت عملية تانية لاصلاح المشكلة، قادت بالفشل، وقالت إن الجراح بوظلها مناخيرها. ولكن وسط كل التحديات والمآسي دي، حورية مازالت بتبهرنا بعزيمتها في مواجهة مصاعب الحياة، ولسه لحد دلوقتي بتبهرنا بأدوارها المختلفة في السينما وعلى شاشة التلفزيون.

=ورية هي واحدة من أنجح فنانين العالم العربي وأكترهم تنوعًا في أدوارها، مش بس كده، حورية تعتبر واحدة من الفنانات اللي جددوا في عالم الموضة المصري بطلاتها المختلفة اللي دايمًا بتبهرنا بيها.

آخر كلمة: بنتمنى للفنانة الجميلة حورية فرغلي أجمل التهاني وبنوجهلها حبنا..

تعليقات
Loading...
Tweet
Share
Share
Pin