في عيد ميلاده، رحلة في حياة أحمد حسام ميدو

اتولد لاعب الكرة المصري السابق أحمد حسام ميدو الملقب بـ “العالمي” يوم 23 من شهر فبراير سنة 1983، هو حاليًا مقدم برامج تلفزيونية ومدرب كرة، وكان بيلعب في مركز المهاجم، وهو يعتبر واحد من أهم لاعبين الكرة المصرية، ومن أشهر اللاعبين المصريين اللي لعبوا برا مصر، وهو معانا على طول وحاضر في كل المناسبات والأحداث الكروية، فتعالوا ناخد نظرة على مشواره في كل الأحداث دي.

عن: adsports

بدأ أحمد حسام ميدو اللعب مع نادي الزمالك في سنة 1999، وبعد كده انتقل للعب في أندية عالمية كبيرة زيّ جينت في بلجيكا، وأياكس الهولندي، وسيلتا فيجو الإسباني، ومارسيليا في فرنسا، وروما الإيطالي، وتوتنهام الإنجليزي، ويمكن احترافه من وهو صغير ولعبه في فرق كبيرة في أكبر الدوريات الأوروبية خلى الجمهور يطلق عليه لقب “العالمي”، وكمان لعب للمنتخب المصري وفاز بكأس الأمم الأفريقية في مصر سنة 2006، وبعد ما اعتزل الكورة في سنة 2013، دخل مجال التدريب، وكان بيدرب في نادي الزمالك، ووادي دجلة، والوحدة السعودي، ومصر المقاصة.

ولكن ميدو معانا كمان في كل الأحداث، فكان مع المنتخب والجمهور في كأس العالم سنة 2018، ودلوقتي مقدم برنامج “في أوضة اللبس”، وعلى طول بنسمعه بيتكلم بالعقل في الكورة، وشوفناه دافع عن منتخب مصر للسيدات لما الاتحاد لغى الدوري بتاعهم بعد ما هما اللي كانوا الضحية في قضية تحرش، فهو أيقونة مهمة في تاريخ الرياضة والكرة المصرية.

آخر كلمة: كل سنة وانت طيب يا عالمي ودايمًا ناجح في حياتك.

تعليقات
Loading...
Tweet
Share
Share
Pin