فرح أسطوري لبنت بيل جيتس جينيفر والمصري نائل نصار

حفل أسطوري الناس كانت مستنياه بقالها فترة، من وقت ما أعلن نائل نصار ارتباطه ببنت بيل جيتس واحنا مستنين نشوف حفل مميز كل الإعلام هيتكلم عنه، تابعناه مع بعض في الساعات اللي فاتت، اتعمل داخل مزرعة خيول كان أهداها بيل جيتس لبنته هدية في حفل تخرجها، المزرعة بلغت مساحتها 124 فدان، والفرح كله نقلاً عن صحيفة ديلي ميل اتكلف حوالي 16 مليون دولار، واتعمل في مقاطعة ويستشستر في ولاية نيويورك الأمريكية كان بحضور أكتر من 300 شخص.

عن: foxnews

الثنائي أعلنوا ارتباطهم بعد قصة حب استمرت بينهم لسنين، من وقت ما اتعرفوا على بعض في جامعة ستانفورد. غير الحب، جمعهم هوايات تانية كتير منهم الفروسية، بدأت مع جينيفر رحلتها مع الفروسية وهي عندها ست سنين واحترفت فيها لحد ماوصلت لبطولات عالمية، ونفس الوضع بالنسبة لنايل نصار اللي بدأت معاه كهواية لحد ماتحول بعدها لفارس محترف وبقى يمثل اسم مصر وفاز ببطولات كتيرة.

عن: egnews24

ناس كتير اتكلمت عن خاتم جينيفر وكان من ضمنهم خبير المجوهرات توني زهرر واللي قال إنه مصنع من الزمرد أغلى أنواع الأحجار الكريمة على مستور العالم والحجر المركزي للخاتم بيقدر بنحو أربعة قيراط، وطبعًا الفستان كان له حصة كبيرة من الكلام وده لإنه كان بسيط ومفيهوش تفاصيل كتيرة. الثنائي الأشهر في الفترة الأخيرة بنتمنى لهم السعادة والفرحة طول حياتهم.

أخر كلمة: ماتفوتوش قراءة: بالصور: عقد قران وحفل زفاف محمد فراج وبسنت شوقي

تعليقات
Loading...
Tweet
Share
Share
Pin