محمد فراج وبسنت شوقي من الفنانين اللي جمعتهم قصة حب وخطوبة لوقت طويل، وبعد نشر كتير من الناس لصورهم أثناء حضورهم محافل فنية ومهرجانات سينمائية خلال الـسنين اللي فاتت، وبعد تأجيل الفرح لأكتر من مرة لأسباب مختلفة، آخرهم ظهور فيروس كورونا وبعدها إلتزام فراج بدوره في مسلسل لعبة نيوتن.. أخيرًا دلوقتي الناس بتنشر صور من عقد القران وحفل زفافهم!
أولى الصور اللي شوفناها جمعت بين العروسين في جلسة تصوير مختلفة، ومن بعدها صور لحفل الزفاف اللي جمع كتير من نجوم الفن زى منى زكي وأحمد حلمي ويوسف الشريف وزوجته إنجي علاء ودرة ولقاء الخميسي وهنا شيحة وغيرهم من الفنانين الكبار. وتميز الحفل بروحه المرحة والتلقائية فاستخدم فراج اقتبسات من دوره في مسلس لعبة نيوتن مستخدم جمل زى “أنا لا أطيق الانتظار ” وهفك كرب مسلمة، علشان يضيف موود، خصوصًا بعد ما علق المأذون أثناء إتمام مراسم الجواز مازحًا على نقطة تأخرهم المستمر في إتمام الزواج.
محمد فراج وبسنت اتعرفوا على بعد خلال أحد أعياد الميلاد من 6 سنين، وأعلنوا ارتبطهم بشكل رسمي أثناء الخطوبة من سنتين.. ودلوقتي أخيرًا قدروا يتوجوا قصة الحب بالزواج، في فرح شبههم ووسط أصحابهم والناس اللي بيحبوها.. هنأهم كتير من الأصدقاء من الوسط الفني بالإضافة لكل متابعيهم اللي كانوا مستنيين فرحهم بقالهم سنتين..