غير استخدامه المعروف: 10 استخدامات غريبة للمانيكير

معروف إن كل حاجة بنستخدمها في حياتنا ليها أكتر من استخدام وممكن نستغلها بأكتر من طريقة لو فكرنا شوية، يعني عندك مثلًا الملح ممكن نستخدمه بأكتر من طريقة، ممكن في تلميع الفضيات وإنك تحافظ على عمر الورد وإنك تتخلص من الحشرات، وعندك معجون الأسنان ممكن تستخدمه في تلميع الكوتشي بتاعك، وهكذا بقى في كل حاجة. واللي الناس ماتعرفهوش إن المانيكير ليه استخدامات تانية غير الاستخدام اللي احنا عارفينه، ودول عشر استخدامات لطيفة ونقدر نقول عليها غريبة للمانيكير.

  • استخدام ألوان مختلفة من المانيكير علشان نفرق بين المفاتيح.
  • لو كعب الجزمة متقشر أو أي جزء فيه، ممكن نستخدمه في ترميم الجزء المتقشر.
  • ممكن نستخدمه كنوع من أنواع الديكور لو اتلون في الكوب الزجاجي في الجزء اللي تحت.
  • المانيكير الشفاف ممكن نستخدمه علشان نحافظ على الاكسسوارات من الصدأ.
  • لو العربية اتعرضت للخدش، ممكن نستخدم اللون المشابه علشان تداري الخدش ده.
  • ممكن نستخدمه في تلوين الجزم اللي جلدها قابل للتلوين.
  • بنس الشعر ممكن نلونها علشان تليق على أي حاجة نلبسها.
  • جراب الموبايل ممكن تغيره وتزينه بأكتر من شكل.
  • في حالة نتش الشراب ممكن نحط من النوع الشفاف على الجزء المنتوش علشان مايزيدش الجزء المنتوش.
  • بيزود من متانة الخيط لو استخدمناه واحنا عايزين ندخل الإبرة في الخيط.

آخر كلمة: ماتفوتوش قراءة: غير الأكل: دي 10 استخدامات مختلفة للملح

تعليقات
Loading...
Tweet
Share
Share
Pin