عمرو أديب والأهلي: تعليق اتقابل بآراء مختلفة بين التعصب والميمز

النادي الأهلي وتعليقات عمرو أديب قصة ظريفة مابتنتهيش، لإن عمرو أديب زملكاوي أصيل، ولإن الأهلي مكاسبه كتير في كل البطولات، بعد آخر مكسب للأهلي في مباراته مع الإنتاج الحربي، وجول المكسب في الدقائق الأخيرة كالعادة زيّ ما اتعرف عن الأهلي إنه بطل +90، الإعلامي عمرو أديب اتكلم في برنامجه “الحكاية” والفيديو بقى تريند على تويتر، لكنه اتقابل بآراء مختلفة، منها اللي بيهاجمه وشايفه متضايق من غريمه ومتعصب لفريقه، ومنها اللي خد الموضوع وببساطة وكمان عملوا ميمز.

الرياضة بقت عمومًا موضوع حساس في الكلام عنه وللأسف مهما قُلت، بالسلب أو بالإيجاب، رأيك هيتاخد بهجوم سواء يتقال إنك متعصب ومنحاز بطريقة غلط لفريقك، أو إنك “محروق” من الفريق المنافس، ودي حاجة نفسنا إنها تتغير وإن الناس تاخد الموضوع بشكل أبسط من كده لإنها في الأول والآخر مجرد رياضة ولعبة بنحب نتفرج عليها والمفروض نستمتع بيها، مش نقلبها لقضايا تكون محل إصدار أحكام بشكل هجومي.

من ميمز مضحكة اتعملت على كلام عمرو أديب لأراء بتعبر عن إحساسها بالهجوم، قولولنا أنتم شايفين إيه من اللي حصل..

آخر كلمة: بين الروح الرياضية والميمز، والتعصب الكروي، شايف أي رأي فيهم صح؟

تعليقات
Loading...
Tweet
Share
Share
Pin