على روح الفنانة رجاء الجداوي.. تعالوا نعرف تفاصيل مهرجان الفضائيات العربية

علشان يكرموا الفنانين والأعمال اللي كانت مميزة في كل سنة، بيقام مهرجان الفضائيات العربية اللي ابتدت دوراته في سنة 2008، وضمت أكتر من 20 قناة فضائية عربية، وبيقام السنادي في دورته الـ 11، واتكرم عدد كبير من نجوم الفن والإعلام والمشاهير اللي تميزوا في 2020 بجوايز مختلفة، وكمان تكريم لفنانين فقدناهم السنادي ووحشونا.. تعالوا نعرف تفاصيل الدورة دي من المهرجان.

والدورة دي من المهرجان تم إهدائها لروح الفنانة القديرة الراحلة رجاء الجداوي، واللي توفت بعد ما اتصابت بفيروس كورونا، وتم تكريمها واستلمت الجايزة بنتها أميرة حسن مختار، وكمان اتعمل ماكيت كبير ليها وكان موجود على الريد كاربت، واتصور معاه بنتها وفنانين كتير.

وفازت بجايزة أحسن ممثلة دراما 2020 الفنانة الكبيرة يسرا عن مسلسل خيانة عهد، والفنان محمد رمضان فاز بجايزة أفضل ممثل في دراما رمضان عن مسلسل البرنس، ورمضان أهدى جايزته للزعيم عادل إمام، وكمان فازت الفنانة نيللي كريم بجايزة أفضل ممثلة كوميدية عن مسلسل بـ100 وش.

وفي جوايز الإبداع فاز بيها صابرين وشريف منير، وجايزة التميز لدرة ونجلاء بدر ونسمة محجوب، وفازت قناة Ten بجايزة أفضل قناة فضائية، وتم اختيار برنامج “بالورقة والقلم”، اللي بيقدمه الإعلامي نشأت الديهي بجايزة أفضل برنامج تليفزيوني، وبرنامج “البريمو” كأفضل برنامج رياضي في 2020.

آخر كلمة: ماتفوتوش قراءة: تفاصيل الدورة الـ 42 لمهرجان القاهرة السينمائي الدولي.

تعليقات
Loading...
Tweet
Share
Share
Pin