عرب تألقوا وصنعوا التاريخ في أسابيع الموضة الكبرى

أسابيع الموضة الأربعة الكبرى هي واحدة من أحب الحاجات لقلب محبي الفن والموضة في العالم اللي بيحرصوا على متابعتها بشكل منتظم، وفي السنين الأخيرة، ويمكن سنين كتير شوية، بدأت تظهر أسامي لمصممين أزياء من أصول عربية فرضوا نفسهم بشطارتهم وتصميماتهم المميزة على الساحة الدولية، وبقوا ضيوف ثابتين في أسابيع الموضة دي.

وفي يوم 9 اللي فات بدأت عروض الأزياء في “الأربعة الكبار” اللي كان أولهم أسبوع الموضة في نيويورك، علشان ييجي بعدهم لندن وباريس وميلانو.

أسبوع الموضة في باريس عن ذا سكيني بيب

ازاي بدأ مفهوم أسابيع الموضة؟

بدأ مفهوم أسابيع الموضة في نيويورك، اللي بتتوصف إنها واحدة من المدن الصاخبة اللي كلها حياة، وبالرغم من إن اسمه “أسبوع الموضة” إلا إنه كان عبارة عن شهر كامل من عروض الأزياء من نيويورك للندن وميلانو وباريس. أسابيع الموضة هي واحدة من أبرز الأحداث الدولية اللي بيستناها محبين الترفيه والإعلام حوالين العالم، وبدأت سنة 1943 وسط الحرب العالمية التانية، وهي فترة احتاج فيها عالم الموضة لمكان مناسب لإقامة عروض الأزياء، وكانت مدينة نيويورك هي المكان المناسب بعد ما قرر المصممين عرض مجموعات الموسم في سلسلة من العروض اللي أتعرفت في الأول باسم “أسبوع الصحاف”، وكان الفضل في انطلاقه لNew York Dress Institute.

وعلى الرغم من ده، مصطلح “عرض أزياء” تم استخدامه لأول مرة في فرنسا، وهو اللي أتطور في نيويورك ونتج عن ده في الأخر عدد من عروض الأزياء الموسمية اللي بنشوفها دلوقتي مرتين في السنة، وبيتم فيها تعريف العالم بمجموعات الملابس الجاهزة للموسم اللي بعده، ومشيت مدن كتير على المفهوم ده وعملت أسابيع موضة ليها، زيّ أسبوع الموضة في باريس اللي بدأ في  1945، وأسبوع الموضة في ميلانو اللي بدأ في 1975، وأسبوع الموضة في لندن اللي بدأ في 1984، وهي الأسابيع اللي بقيت أساسية للعالم من ساعتها علشان يعرف الموضة وإبداعتها وصلت لإيه ويتعرف عليها.

من أول أسبوع للموضة في نيويورك – عن مافت

عرب في أسابيع الموضة

في الأيام اللي جاية من المحتمل إننا نشوف تصميمات أبرز المصممين من أصول عربية.

إيلي صعب – أسبوع الموضة في باريس عن بينترست

إيلي صعب

أبرزهم طبعًا إيلي صعب، اللي بدأ رحلته للنجومية في 1982 وهو عنده 18 سنة بعد ما افتتح محله الخاص في العاصمة اللبنانية بيروت، إلا إن موهبته الفذة أتجاوزت حدود لبنان للعالم كله، وتمت دعوته لباريس لعرض موهبته في قسم الأزياء بمؤسسة Chambre Syndicale واللي بقى عضو فيها في 2006، ومن ساعتها المصمم المبدع ده بيعرض موهبته في أسابيع الموضة حوالين العالم كل سنة، خصوصًا أسبوع باريس.

إيلي صعب – أسبوع الموضة في باريس صيف ٢٠٢٢ – عن بينترست


إيلي صعب – أسبوع الموضة في باريس – عن بينترست

إيلي صعب – أسبوع الموضة في باريس – عن Fashion week online

عبد محفوظ

عبد محفوظ انطلق في عالم الموضة سنة 2001 لما أطلق مجموعته الأولى تحت اسم “الحالمة”، واللي أتمحورت حوالين فساتين العرايس، إلا إنها كانت كافية لإدخاله عالم تصميم الأزياء من الباب الكبير. بعد كده، أطلق عبد محفوظ مجموعته الأولى من الأزياء في روما في أسبوعها للموضة برعاية مؤسسة Alta Roma، وقام في عام 2009 بإطلاق أول مجموعة ليه في أسبوع الموضة في نيويورك.

عبد محفوظ بالعلم اللبناني في باريس – عن سي نيوز

زهير مراد

بدأ زهير مراد في العاصمة اللبنانية بيروت في سنة 1997 اللي شهدت على ولادة أول مجموعاته، وكان الهدف من تصميم الأزياء الخاصة في الأول إلا إنه في 2001 بدأت شهرته العالمية لما قام بعرض واحدة من مجموعاته في أسبوع الموضة في باريس.

زهير مراد – أسبوع الموضة في باريس – عن كاوا
زهير مراد – أسبوع الموضة في باريس – عن مترو

عز الدين عليه

عز الدين عليه واحد من أبرز الأسامي في عالم الموضة، خصوصًا في التسعينيات، ‏وهو مصمم أزياء عالمي تونسي الجنسية، وكان مقيم في فرنسا، فارق عليه الحياة في 2017 في مدينة باريس بسبب سكتة قلبية عن عمر ٧٧ سنة، إلا إنه ساب وراه ميراث كبير من الفن في عالم الموضة بعد ما اشتهر بخروجه عن التقاليد وتقديم تصاميمه الخاصة وعلاقاته القوية مع مشاهير عالم عروض الأزياء. عليه تصميماته ومجموعاته البديعة فضلت سنين علامة من علامات عروض الأزياء في باريس، وده كمل بعد موته بسبب إنه أتحول لعلامة عالمية غير قابلة للاختفاء.

ناعومي كامبل عند قبر عز الدين عليه – عن هاربر بازار
عز الدين عليه مع ناعومي كامبل – عن بيور بيبول
عليه – أسبوع الموضة في باريس – عن ذا امبريشن
عليه – أسبوع الموضة في باريس – عن ذا امبريشن

أخر كلمة: ماتفوتوش قراءة: بدايات إيلي صعب.. عن الوطن والإلهام ومعنى العمل

تعليقات
Loading...
Tweet
Share
Share
Pin