شاب مصري استبدل فرحه بمائدة إفطار

أكتر حاجة مش بنسمع عنها ولا بنشوفها غير في رمضان، هي موائد الإفطار، وكلنا تابعنا مائدة إفطار المطرية، أكبر مائدة بتتعمل كل سنة، بيحضرها الآلاف وبيصورها ناس من كل حتة كإنها الحدث الأشهر، لكن النهارده سمعنا عن مائدة جديدة.. عريس قرر يستبدل فرحه بمائدة إفطار.

أحمد نوفل، شاب من منطقة إمبابة كان عايز يعمل فرح مش تقليدي، فقرر يستبدل فرحه بـ “مائدة رحمن” كبيرة، ووجه دعوة عامة لكل الناس اللي يعرفوه واللي ما يعرفوهوش.

وقال الشاب في تصريحات له على مواقع صحفية، إنه قرر يعملها للخير بدل فرحه اللي كان مقرر إقامته في عيد الفطر، وقال: “الفكرة من أولها لآخرها لوجه الله، أنا فرحي المفروض كان بعد العيد فقولت بدل ما أعمل فرح، أعمل حاجة لوجه الله، والعروسة وأهلها موافقني، وبدل ما كنا هنعمل فرح، هنعمل حاجة لإخواتنا وحبايبنا ونفطر صائم، لإن إفطار الصائم ده ثوابه كبير”، وقال إنه لما عرض الموضوع على العروسة ماترددتش لحظة، وقالت ده عمل خيري وثوابه كبير في الأيام دي.

العرسان فضلوا إنهم يعملوا المائدة عن الأفراح الكبيرة بدوشتها اللي بتتعمل بمالبغ طائلة، وقرروا يجمعوا حبايبهم وأصحابهم مع الناس ويعملوا فطار جماعي.

آخر كلمة: ماتفوتوش قراءة: بيان سعودي إيراني مشترك: استئناف الرحلات الجوية وفتح البعثات الدبلوماسية