روبي تتصدر تريند جوجل بعد إحياء حفلة بالأهرامات

روبي من الفنانات اللي ليهم مذاق خاص ومختلف من الأغاني وده اللي مخلي قاعدتها الجماهيرية كبيرة جدًا، ببساطة لإن حفلاتها وأغانيها وحضورها ليهم طابع خاص بيدي طاقة إيجابية وشعور بالسعادة.. وبرغم مرور سنين على بعض أغانيها المعروفة زيّ “ليه بيداري كده” و”انت عارف ليه”، ولكن لحد النهارده لسه الناس بتتحمس إنها تسمعها من روبي في الحفلات، لإن طريقة غناها ليهم ليها طابع مختلف. وبعد إحيائها لحفل غنائي خاص أقيم وسط الالتزام بالإجراءات الاحترازية بجانب الأهرامات، تصدرت روبي محرك بحث جوجل.

فنشرت روبي مقاطع من الحفل على صفحاتها الخاصة بالسوشيال ميديا على انستجرام وفيسبوك، والبوستات جابت أكتر من 126 ألف تفاعل خلال 24 ساعة بس. وبرغم إن الحفل ماكنش حاضره جمهور كبير نظرًا لضرورة الالتزام بإجراء التباعد الاجتماعي، ولكن الحفل كان ناجح جدًا، لإن حتى الناس اللي ماحضرتش اتفرجت على الفيديوهات اللي نزلت، ونشرتها على منصات السوشيال ميديا علشان الكل يقدر يتفرج ويستمتع بالحفلة. وبجانب الأغاني القديمة اللي غنيتها خلال الحفل، فقدمت كمان بعض من أغاني ألبومها الجديد “في حتة تانية”. وواضح من الفيديوهات إن الجمهور كان متفاعل جدًا مع الأغاني وإن الحفل كان فعلًا مميز جدًا وفي طاقة إيجابية وده تقريبًا العادي في كل مرة بنشوف فيها روبي سواء في حفلة أو برنامج!

#روبي

Posted by ‎Ruby روبي‎ on Tuesday, March 2, 2021

آخر كلمة: ماتفوتوش قراءة: “بعد التريند مع ويجز، مين المغنيين اللي عايزينهم يغنوا مع روبي في ألبومها الجديد؟“.

تعليقات
Loading...
Tweet
Share
Share
Pin