رئيس الوزراء: مصر أنتجت مليون جرعة من لقاح كورونا.. وفي طريقها لتصنيع 80 مليون جرعة

في مؤتمر صحفي النهارده بتاريخ 5 يوليو 2021، بحضور وزيرة الصحة الدكتورة هالة زايد، رئيس الوزراء المصري مصطفي مدبولي أعلن إن مصر نجحت في إنتاج مليون جرعة من لقاح فيروس كورونا لحد دلوقتي، وده مؤشر عظيم في طريق مصر في إنتاج اللقاحات بدل من انتظارها لاستيراد اللقاحات من دول تانية، وده بيهدد الأمن الصحي للمواطنين، وكان الحافز في إن مصر يكون عندها اكتفاء ذاتي لتطعيم كل المواطنين على أرضها بشكل سريع.

مؤتمر صحفي من مقر شركة “فاكسيرا” بالعجوزة للإعلان عن إنتاج مصر للقاح فيروس كورونا (فاكسيرا سينوفاك صنع في مصر ) “Vacsera – Sinovac made in Egypt”.

Posted by ‎وزارة الصحة والسكان المصرية‎ on Monday, July 5, 2021

وزيرة الصحة هالة زايد أعلنت إن القاهرة بتستهدف تطعيم 40 مليون مواطن بنهاية السنة دي، لكن التعاقد مع شركة سينوفاك الصينية بيخلي مصر تقدر تصنع 40 مليون جرعة سنويًا، لكن بعد موافقة الجانب الصيني، مصر تقدر تنتج بشكل استثنائي 80 مليون جرعة خلال الـ 6 شهور اللي جايين، وده بدون شك هيسهل وهيسرع من عملية تطعيم المواطنين وغير المواطنين كمان اللي عايشين على أرض مصر.

مصنع فاكسيرا بينتج في وردية العمل الواحدة 300 ألف جرعة من اللقاح، ويقدر كمان إنتاج 600 ألف جرعة لقاح يوميًا، ومن بداية شهر أغسطس اللي جاي، مصر هتنتج من 10 لـ 15 مليون جرعة من اللقاحات شهريًا، وده لتحقيق هدف تطعيم 40 مليون مواطن بنهاية السنة الحالية، وأوضحت وزيرة الصحة إن التطعيم بيستهدف المواطنين المقيمين في الدولة، بما فيهم غير المصريين، وأكدت على إن مفيش تفرقة في تلقي اللقاحات بين مصري وغير مصري مقيمين على أرض مصر، فكله من حقه تلقيه اللقاح، لإن في الأول وفي الأخر الدولة بتسعى لسلامة كل من عايش فيها.

فلو كنت مقدم على التطعيم بقالك فترة ولسه ماجالكش أي جديد، اطمن وماتفقدش أمل، وماتفتكرش إن الجرعات خلصت خلاص زيّ ما كتير بيقولوا، فالدولة حريصة على إنها توفر االلقاح لكل اللي عايز يتلقاه بإرادته.

آخر كلمة: ماتفوتوش قراءة: دليفري: توصيل لقاح كورونا في البيت.. إيه الخطوات والشروط؟

تعليقات
Loading...
Tweet
Share
Share
Pin