توصيلة: أول خدمة تاكسي في مصر لذوي الاحتياجات الخاصة

     السنادي، مصر شهدت مجموعة كبيرة من الخطوات اللي بتهدف لدمج ذوي الاحتياجات الخاصة في المجتمع، واللي أثبتوا بدورهم إن طموحاتهم ملهاش سقف أو حدود.

في البداية شُفنا مذيع في التليفزيون بمتلازمة داون، وبعدين شفُنا لغة الإشارة موجودة في مسلسلات رمضان، ثم مقدمة برامج من ضعاف البصر، لحد ما لقينا أول طالب ثانوية عامة بمرض التوحد من أوائل الجمهورية وحاجات تانية كتير.

ويبدو كده إن السياق في مصر بيتجه حاليًا ناحية توفير مواصلات سهلة ومريحة للأشخاص المُقعَدين، متأخرة بس أحسن من مفيش!

https://www.facebook.com/sharer/sharer.php?u=https%3A%2F%2Fwww.facebook.com%2Fwaya.media%2Fvideos%2F679241272588989%2F&display=popup&ref=plugin&src=post

مبتكر مصري ملهم اسمه خالد خيري قرر يعمل أول أبليكيشن مواصلات متخصص في نقل ذوي الاحتياجات الخاصة. الموضوع بدأ لما لاحظ خيري المعاناة اللي كانت أمه بتمر بيها في المواصلات بسبب سنها.

أبليكيشن “توصيلة” بيوفر عربيتين مجهزتين خصيصًا ومعاهم سواقين مدرَّبين وفيه خطط للتوسع في أنحاء الجمهورية قريبًا. في مقابلة مع “وايا” ميديا، خيري وصف الأبليكيشن بإنه أرخص وسيلة مواصلات في مصر مقارنة بالسوق.

https://m.facebook.com/story.php?story_fbid=2269424493285991&id=1709414765953636

في 2018، أبليكيشن كريم بدأ مشروع “Assist” اللي بيهدف لمساعدة المقعدين، والخدمة كانت متاحة بمحافظة الإسكندرية. تاكسي لندن كمان معروف عنه إنه بيوفر سلم مخصوص لصعود العجلات المتحركة.

آخر كلمة: نتمنى نشوف مبادرات كتير زي دي الفترة الجاية بتخدم فئات الشعب المهمشة.

تعليقات
Loading...
Tweet
Share
Share
Pin