تحت شعار بث الأمل: أبطال بارالمبياد طوكيو المصريين مع محاربات بهية

مجموعة من أبطال العالم المصريين في دورة الألعاب البارالمبية طوكيو 2020، قاموا بزيارة مؤسسة بهية للاكتشاف المبكر وعلاج سرطان الثدي بالمجان، علشان تكون الزيارة ضمن فعاليات مبادرة “Hope Giver” لبث روح الأمل في كل إنسان قادر أو غير قادر. وبكده، تعتبر “بهية” أول مؤسسة خيرية يزورها أبطال أولمبياد طوكيو بعد فوزهم بالكأس. الزيارة تضمنت أبطالنا “هاني محسن وجيهان جلال وجيهان غريب وفاطمة محروس وفاطمة عمر وشريف عثمان ومحمود صبري “برئاسة الدكتورة حياة خطاب رئيس اللجنة البارالمبية وبصحبة كابتن أنور الكموني لاعب التنس العالمي”.

أكد اللاعب محمود أحمد صبري إن دي المرة الأولى اللي يزور فيها مؤسسة خيرية وإنه انبهر بكل اللي شافه فيها من تقدم، وإن مؤسسة بهية بتشفي الألم وتبعث الأمل. أما شريف عثمان لاعب منتخب مصر قال إنه فخور بزيارته الأولى لمؤسسة بهية وإنه اتشرف بمقابلة كابتن أنور الكموني اللي بتتناسب فكرة حملته مع هدف بهية الأساسي، ومع هدفهم في بث روح النجاح رغم الصعوبات. ووجه رسالة لكل شخص عنده فرصة في بث الطاقة الإيجابية إنه مايترددش في الدور ده، وأكدت البطلة جيهان جلال إنها دي مش المرة الأولى ليها لزيارة بهية، فكانت المرة الأولى بعد أولمبياد ريو دي جانيرو، وأكدت على دعمها المستمر للمكان، لإن رسالة بهية مش بتتوقف على شفاء المرض بس، لكن كمان شفاء النفس، أما البطلة فاطمة محروس أعلنت دعمها المستمر لبهية قلبًا وقالبًا، والبطلة جيهان غريب وجهت الشكر لمن دعاها ودلها على مؤسسة بهية، وإنها استمدت الدعم والطاقة الإيجابية من زيارتها للمكان.

وأكدت الدكتورة جيلان أحمد على فخرها وفخر مؤسسة بهية بالأبطال، وإن وجودهم في بهية بمثابة إعطاء أمل للمحاربات، كمان أعرب الكابتن أنور الكموني عن سعادته بالزيارة وإن خير من يمثل فكرة نشر الأمل وبث الطاقة الإيجابية بين الناس هما أبطال العالم المصريين في بارالمبياد طوكيو 2020. في المجال ده، بهية اتعاونت قبل كده مع الكابتن أنور الكموني لاعب التنس العالمي في مبادرة hope giver اللي هدفها بث روح الأمل لكل شخص قادر وغير قادر، واختار بهية علشان تكون ضمن برنامجه اللي هيجوب فيه العالم لنشر الأمل والطاقة الإيجابية في كل مواطن في العالم.

مؤسسة بهية للاكتشاف المبكر وعلاج سرطان الثدي بالمجان مش بس بتهتم بالعلاج من مرض سرطان الثدي، لكن بتهتم بالعلاج النفسي ودعم محارباتها نفسيًا بشكل كبير لإنها مؤمنة بإن الدعم النفسي من أنجح وأسرع أساليب العلاج، وإن المريضة اللي بتتلقى علاجها في بهية مش مريضة، هي محاربة لإنها بتحارب سرطان الثدي اللي بتساعدها بهية في معركتها معاه.

آخر كلمة: ماتفوتوش قراءة: فيديو: قصة محاربات بهية وازاي الأمل بيهزم اليأس

تعليقات
Loading...
Tweet
Share
Share
Pin