بنصائح بسيطة: ازاي تحمي شعرك من أضرار مياه حمام السباحة

في الصيف والسفر، خصوصًا موجات الحر دي، بنحاول نغير جو ونرطب على نفسنا من درجة الحرارة العالية وبيكون استمتاعنا بنزول البحر وحمام السباحة، لكن بنتعرض لأضرار كتير لبشرتنا وشعرنا سواء من المياه أو الشمس، وبنحاول على قد ما نقدر نلاقي حلول للمشاكل دي ونكتبها، علشان كده، هنقول على نصائح وإرشادات بسيطة من دكاترة، تخلينا نحمي شعرنا من أضرار الكلور اللي موجود في مياه حمام السباحة، ونحافظ عليه بشكل أحسن.

استخدام الزيت قبل السباحة

زيت الشعر أو بديل الزيت، بيساعدوا على حماية الشعر من الكلور وبيقللوا من تشابك الشعر ببعضه، خصوصًا لو زيوت طبيعية زيّ زيت الزيتون أو زيت جوز الهند.

الاستحمام من غير شامبو قبلها

عن: Nahdi

قبل النزول لحمام السباحة، نغسل الشعر بمياه بس من غير شامبو، لإن الشعر المبلول بيمتص نسبة أقل من الكلور، ومن غير شامبو لإن الشامبو بيجرد الشعر وفروة الرأس من الزيوت الطبيعية اللي بتفرزها البشرة واللي بتحمي من الكلور.

تجنب استخدام الحرارة

عن: setaat

نتجنب استخدام الحرارة سواء بالمكواه أو السيشوار، لإن الحرارة بتضعف الشعر وبتأثر عليه.

غسل الشعر أكتر من مرة بعد السباحة

علشان نزيل كل ترسبات الكلور، نغسل الشعر حوالي 5 مرات بالشامبو، وعارفين إن ده كمان أكيد ليه ضرر، ولكن في النصيحة اللي جاية هنقول لكم تعملوا إيه.

ترطيب الشعر

عن: sha3r.com

وبعد التعرض للكلور، وكمان الغسل المتكرر بالشامبو، الشعر بيتعرض للجفاف، علشان كده مهم ترطيب الشعر بالبلسم.

لبس كاب أو Hat بعد الخروج من حمام السباحة

عن: pinterest

مهم علشان تحمي شعرك وهو مبلول من الأتربة وحرارة الشمس لحد ما تغسليه وترطبيه.

آخر كلمة: ماتفوتوش قراءة: وصفات بسيطة وطبيعية لعلاج حروق الشمس

تعليقات
Loading...
Tweet
Share
Share
Pin