بموافقة أمريكية: هيتم تصدير الغاز الإسرائيلي للبنان

نقلًا عن قناة عبرية: إسرائيل هتزود لبنان بالغاز لحل أزمتها

أزمات كتير بتعيشها لبنان وبتهددها على كل المستويات وكتير من الدول بدأت تتدخل علشان تساعد وتحل في الأزمة منهم مصر. وأزمة نقص الغاز في لبنان من المشاكل اللي بدأت تتفاقم في البلد وبدأت تهدد بالتأثير على حاجات تانية كتير. وخصوصًا بعد رفع الدعم عنه وبقى يتباع في السوق السودا بسعر الدولار.

صفيحة الديزل أويل أو المازوت بـ226600 ليرة بعد ما كانت 207900 ليرة، والغاز بـ193600 ليرة بعد ما كانت سعرها 178800 ليرة. وبناءًا على الكلام ده، اتقال في الأخبار إن هيتم تصدير الغاز الإسرائيلي للبنان وده بناءًا على موافقة أمريكية.. طب الموضوع بدأ ازاي لحد ما وصل إن إسرائيل (المحتل) هتصدر الغاز!

الموضوع بدأ لما أعلن الأمين العام لحزب الله السيد حسن نصر الله عن استيراد الغاز من إيران لرفع المعاناة عن اللبنانيين. وبعدها بادرت السفارة الأمريكية لحل سريع وخطط بديلة.

الخبير في الشأن الإسرائيلي إسماعيل مسلماني قال إن “الهدف الإسرائيلي من التدخّل هو إنهم يبعدوا لبنان وسوريا عن إيران”. لإن في اللي عايز إن السيد نصر الله يفتح خط مع إيران ويكسر الحصار الأميركي”. 

وبحسب اللي أعلنته القناة العبرية وموقع RT “إن الخطة تعتمد على استخدام الغاز المتدفق من العقبة عبر خط أنابيب في قاع البحر الأحمر. ومن هناك عبر الأردن وبعدين لسوريا، ومن خلالها يتم نقله للبنان.

وأضاف “إن خط الأنابيب المصري شمال سيناء واللي من المفترض عن طريقه إن يتم نقل الغاز هيتم تزويده من قبل إسرائيل”.

وتابعت “إن مفيش خيارات تانية لإمكانية نقله بدون الاعتماد على الغاز الإسرائيلي. وإن المباحثات اللي تمت على مستوى عالي ماقدمتش أي مقترحات تانية أو بديلة”.

أخر كلمة: ماتفوتوش قراءة: أزمة جديدة بتعيشها لبنان، بعد التهديد بانقطاع نهائي لخدمة الإنترنت

تعليقات
Loading...
Tweet
Share
Share
Pin