بمشاركة الفنان أحمد حاتم: منتخب مصر للسباحة دخل موسوعة جينيس

أيوة أنت قريت صح ، الفنان أحمد حاتم اللي متعودين نشوفه في السينما والدراما، شوفاه امبارح بيحقق رقم قياسي في موسوعة جينيس بمشاركته مع المنتخب الوطني للسباحة اللي قدروا يكسروا الرقم السابق اللي تم تحقيقه في جينيس في سنة 2019 من المنتخب الإنجليزي، منتخبنا بمشاركة 100 سباح مصري اقتحم موسوعة جينيس برقم قياسي جديد بعد سباق 50 متر حرة تتابع.

بعد ما قدر المنتخب يحقق السباق في زمن 42:12:15 في المحاولة اللي تمت في نادي نيو جيزة، بمشاركة 100 سباح مصري بتتراوح أعمارهم من 15 لـ 63 سنة، ومنهم أعمدة مصر في السباحة، زيّ مازن القماش، نبيل إبراهيم، محمد سامي، سالم إيهاب، وليد عبدالقادر وآيه عباس. واستلمت مصر شهادة جينيس الدولية للأرقام القياسية.

عن: Cairo24

أحمد حاتم بيمتلك مهارات السباحة وحقق فيها بطولات كتير من طفولته، واتعود يشارك في بطولات الجمهورية من صغره، لكنه ابتعد عن السباحة لفترة كبيرة، وبعد 16 سنة من عدم مشاركته في رياضة السباحة بسبب اهتمامه بمجال التمثيل، لكنه قدر في أول مشاركة إنه يحقق رقم قياسي مع المنتخب ويدخل موسوعة جينيس، رغم إنه مش في كامل لياقته في التدريبات، لكن زمايله وأصحابه شجعوه وبالفعل قدر يحقق رقم قياسي مع المنتخب.

آخر كلمة: ماتفوتوش قراءة: بنات مصر في الرياضة.. 8 لاعبات حققوا إنجازات في الألعاب المختلفة

تعليقات
Loading...
Tweet
Share
Share
Pin