بعد واقعة التحرش بالمترو: تركيب كاميرات مراقبة في عربيات المترو

طبعًا انتوا ممكن تكونوا توهتوا من كم وقائع التحرش اللي بنكتب عليها تقريبًا بشكل يومي دلوقتي، الواقعة اللي بنتكلم عليها النهارده هي واقعة المترو لما كان معظمه فاضي بس في راجل جيه قعد قدام واحدة ست وبدأ يمارس أفعال جنسية، فاتصلت البنت بخطيبها اللي قالها تصوره علشان يكون فيه إثبات وتبلغ النيابة العامة، وبالفعل تم القبض على المتحرش والتحقيق معاه.. وبعد الحادثة دي، تم اتخاذ قرار بخصوص المترو علشان يساعدوا في حماية الستات من الجرائم البشعة اللي بتحصل من النوع ده في الأماكن العامة.

وسائل إعلام مصرية : الأجهزة الأمنية بالقاهرة تتمكن من القبض على الشاب المتحرش بفتاة داخل إحدى عربات مترو الأنفاق بالخط الثالث بمحطة قباء في اتجاه عدلي منصور.#العربية_مصر

Posted by ‎العربية مصر – Al Arabiya Egypt‎ on Sunday, March 14, 2021

صرح أحمد عبدالهادي المتحدث الرسمي باسم شركة مترو الانفاق، إن الشركة المصرية لإدارة وتشغيل مترو الأنفاق انتهت من التنسيق مع شرطة النقل والمواصلات لتنفيذ مشروع لمراقبة مواقع مترو الانفاق بشكل كامل، فالشركة هتقوم بتركيب كاميرات مراقبة داخل عربيات المترو مع تطوير الخط الأول والتاني، علشان يساعدوا في حماية الستات ومحاربة التحرش. وقال عبدالهادي معلقًا على واقعة المترو “سيتم اتخاذ كافة الإجراءات القانونية لكل من تسول له نفسه الخروج عن المألوف ويقوم بأعمال مشينة”.. وأكد إن القطارات الجديدة فيها كاميرات داخلية بس العربيات القديمة هي بس اللي مافيهاش وعلشان كده هيتم تركيب الكاميرات فيها لحماية الكل.

هيفضل الكل يحارب الظاهرة دي لحد ما تختفي مهما طالت السنين، أي حد هيتجرأ ويعتدي على ست بدون وجه حد هنصوره وهنفضح هويته علشان يبقى عبره لكل متحرش، والجهات المختصة والمسئولة بتعمل كل ما في وسعها من القبض على المجرمين لتشديد عقوبة التحرش وتركيب كاميرات، علشان تحد من حالات التحرش.

آخر كلمة: ماتفوتوش قراءة: “القصة كلها: فضح هوية متحرش الأطفال بالمعادي عبرة لكل متحرش!.

تعليقات
Loading...
Tweet
Share
Share
Pin