بعد قرار استمرار موسم الحج بأعداد محدودة، دي صور هتفكرنا بجمال الركن الخامس للإسلام..

0

في بيان حاسم للجدل حوالين موسم الحج السنة دي، صرحت وكالة الأنباء السعودية إمبارح إن المملكة قررت تسمح بإقامة شعيرة الحج لكن بأعداد محدودة جدًا وللموجودين في السعودية فقط من مواطنين ومقيمين من مختلف الجنسيات، وده في ضوء تفشي فيروس الكورونا المستجد اللي لحد دلوقتي أعداد الإصابة بيه في العالم وصلت لـ 7 مليون حالة والوفيات لحوالي نص مليون وفاة.

ونظرًا لإقبال ملايين من المسلمين على الحج والعمرة سنويًا من كل أنحاء العالم، قررت المملكة العربية السعودية في مارس 2020 تعليق العمرة وتعليق الصلاة بالحرمين المكي والمدني وده في محاولة للسيطرة على انتشار العدوى. حاليًا، الوضع بقى أحسن في المملكة وبدأنا نشوف الرياض ومدن تانية بتفتح بشكل تدريجي، الشئ اللي بدأ يثير تساؤلات حوالين موسم الحج.

المسئولين عن الحج وضحوا بإن الالتزام بالقواعد والضوابط اللي حطتها منظمة الصحة العالمية للتقليل من فرص انتشار العدوى هيكون ملزم، عشان كدا التصريح وضح بإن القرار ده “جاء حرصاً على إقامة الشعيرة بشكل آمن صحياً وبما يحقق متطلبات الوقاية والتباعد الاجتماعي اللازم لضمان سلامة الإنسان وحمايته من مهددات هذه الجائحة، وتحقيقًا لمقاصد الشريعة الإسلامية في حفظ النفس البشرية”.

موسم الحج اللي هيبدأ الشهر اللي جاي في المملكة مش هيكون مسموح فيه لمسافرين من الخارج وهيكون مقتصر على المقيمين وعشان كدا قررنا نجيلكم صور تفكركم بجمال الركن الأخير من الإسلام.

عن فوكس.
عن AP.
عن EFE.

أخر كلمة: تفتكروا هل ده هو القرار صح؟ عرفونا رآيكم في الكومنتس تحت.

تعليقات
Loading...