اتعودنا نشوف في حلقات Roam Egypt، أماكن في مصر بشكل مختلف غير اللي متعودين نشوفها وغير المشهورة بيها، بنكتشف معاهم مصر وأماكنها بشكل جديد، وفي الحلقة الجديدة في الفيوم، هنشوف أحلى أماكن فيها، وازاي نكتشف اللي ماحدش جربه فيهم كمان، غير الأنشطة المعتادة، تعالوا نشوف أحلى تسع حاجات وأماكن في مدينة الفيوم مع Roam Egypt.
مدينة ماضي
مدينة أثرية موجودة في جنوب غرب الفيوم، بتضم أطلال معابد بناها أمنمحات الثالث وأمنمحات الرابع، بتضم كمان بقايا مدينة يونانية رومانية، وتم تأسيس معبد للإلهة الكوبرا، وتم توسيعه بعد كده خلال الفترة اليونانية، وأضيفت إليه إضافات زيّ تماثيل أسود لها رؤوس آدمية، ويعتبر أكبر معبد باقي من الدولة الوسطى في مصر. مدينة أثرية مهمة تستاهل نعرف عنها أكتر خلال زيارتنا في الفيوم.
وادي الحيتان
تجربة استثنائية هتكون محظوظ لو جربتها في زيارتك للفيوم، هترجعك ملايين السنين، لأكبر وأهم موقع في العالم لحفريات الحيتان، موجود على بعد 150 كيلومتر جنوب غرب القاهرة، وبتنتمي الحفريات فيه لسلالات منقرضة من الحيتان، بتدل على تطورها من ثدييات برية إلى ثدييات بحرية على مر العصور. المكان تم تصنيفه كموقع للتراث العالمي لليونسكو في يوليو 2005، لإنه مفيش أي مكان تاني في العالم بيضم العدد ده من الحفريات بالجودة والتركيز ده، في محمية طبيعية جذابة.
الغابة المتحجرة
في شمال بحيرة قارون، أكبر غابة متحجرة في العالم، موطن للأشجار اللي بيبلغ ارتفاعها 40 متر، واللي قدرت تنجو في شكل متحجر من آلاف السنين، مكان فريد من نوعه مش موجود في العالم كله، هتتبسط في زيارتك له.
بحيرة قارون
موجودة في الجزء الشمالي الغربي من الفيوم، وتعتبر من أقدم البحيرات الطبيعية في العالم، وثالث أكبر بحيرة في مصر، وتعتبر كمان من أعمق البحيرات لإن فيها أماكن بيصل عمقها لـ 14 متر، مساحتها حاليًا بتبلغ 330 كيلومتر مربع، وطولها 40 كيلومتر، وعرضها 7 كيلومتر، ده كمان بعد ما قلِت مساحتها بسبب الجفاف على مر الزمن. المنطقة اللي موجود فيها البحيرة بتتميز بتكوينات جيولوجية مهمة، علميًا وتاريخيًا، مجموعة مختلفة من النباتات والطيور المهاجرة، كمان تم اكتشاف حفريات للثدييات بترجع لحوالي 10 مليون سنة.
متحف كوم أوشيم
بيقع في مدخل مدينة كرانيس الأثرية المشهورة بالآثار اليونانية والرومانية، المتحف تم بنائه سنة 1974، وتم افتتاحه مؤخرًا كجزء من خطة وزارة السياحة والآثار، لإعادة فتح المتاحف المغلقة، علشان ندعم السياحة في الأماكن اللي مش معروفة في مصر.
وادي الريان
من أشهر معالم الفيوم، بيقع على بعد حوالي 65 كم جنوب غرب محافظة الفيوم، وهو منخفض عميق من الحجر الجيري الأيوسيني، وموطناً لبحيرتين كبيرتين وهما البحيرة العليا والبحيرة السفلى، متصلتين بشلال مصر الوحيد. وتعتبر منطقة الشلالات واحدة من أشهر مناطق الجذب لممارسة الرياضات البحرية المختلفة في محمية وادي الريان. وتم العثور على الحفريات البحرية والبقايا الأثرية بالقرب من البحيرة السفلى، اللي معروفة بتكوينات الكثبان الرملية الواسعة.
طريق ودان الفرس
أقدم طريق ممهد في العالم، اتبنى من حوالي 4500 سنة، موجود بالقرب من جبل قطراني شمال بحيرة قارون، كان بيستخدم لنقل بلوكات البازلت من محاجر البازلت الموجودة عند جبل قطرانى شمال بحيرة قارون، اللي كان بيتم نقله عبر بحر يوسف للنيل، ومن هناك لهضبة الجيزة، لإنه كان بيستخدم في بناء التوابيت وطوابق المعابد الجنائزية حول أهرامات الجيزة.
قصر الصاغة
معبد مستخبي في الصحراء، شمال بحيرة قارون، وفي الحقيقة هو ممتزج داخلها، والتلال خلفه، وكان بالفعل المعبد مفقود سنين طويلة، وتم اكتشافه سنة 1884، واكتشفه عالم الآثار شفاينفورث.
قرية تونس
موجودة في واحة الفيوم، في الطريق لوادي الريان، القرية في مكان طبيعي مميز وبتطل على منظر خلاب لحافة الصحراء على الجانب الآخر من البحيرة، وتعتبر من أجمل الأماكن في مصر كلها مش الفيوم بس. في الثمانينات، السويسرية إيفلين بوريه زارت الفيوم، وهي عاشقة للخزف، وقررت إنها تكمل حياتها في الفيوم وتبني منزلها الخاص اللي هتستقر فيه، وهتبنيه بمواد بناء صديقة للبيئة، وقدرت إنها تحول المكان لمزار سياحي ومكان لتعليم فن الخزف، وبقت قرية تونس تجذب السياح والزوار بسحرها الخاص.
Roam Egypt بيفرجونا على مصر بطرق مختلفة وجديدة، وطبعًا بدعم من وزارة السياحة بيورونا أماكن ومناطق جديدة وبيشجعونا على زيارتها علشان مصر فعلًا مليانة جنات مستخبية.
تعالو نتفرج على حلقة Roam Egypt الثالثة كاملة هنا :