بديل للحقن: لقاح كورونا الجديد هيبقى على شكل “رقعة” ثلاثية الأبعاد

في ابتكار جديد بينضم لقائمة الإنجازات اللي بتتعمل لمواجهة كورونا، اخترع علماء في جامعة ستانفورد ونورث كارولينا بأمريكا “رقعة لقاح” مطبوعة بشكل ثلاثي الأبعاد عبارة عن إبر مجهرية مغلفة باللقاح، وباستخدام الأشعة فوق البنفسجية، علشان يضمنوا الاتساق في الحجم والشكل والمسافات. بيتم وضعها بشكل مباشر على الجلد اللي بيضم الخلايا المناعية اللي بيستهدفها اللقاح، وبشكل غير مؤلم وفي نفس الوقت هيبقى أكتر تغلغلًا من الحقنة العادية.

الدراسة دي اتنشرت في العدد الأخير من دورية “بروسيدنج” ونتائج التجارب اللي اتعملت على الحيوانات أثبتت إن الاستجابة المناعية اللي نتجت من “رقعة اللقاح” أكتر 10 مرات من اللقاح اللي بيتم إدخاله عن طريق الحقن والإبر في عضلة الكتف، وإنها خلقت استجابة كبيرة للخلايا التائية والأجسام المضادة الخاصة بالمستضد واللي كانت 50 مرة أكبر من الحقن اللي تحت الجلد، ده غير إنها طويلة كفاية بالشكل اللي يوصل اللقاح للجلد.

عن: Ratiba

وبكده – زيّ ما العلماء قالوا – هيتحقق نجاح في زيادة احتباس المادة الفعالة في الجلد، وتنشيط الخلايا المناعية، علشان ينتجوا أجسام مضادة أكثر فاعلية. ده غير الوقت والجهد اللي هيتوفروا، لإن اللقاح اللي موجود دلوقتي بيمر بعملية طويلة من زيارتك للمستشفى وتعبئة اللقاح في الحقنة ده غير إن الموضوع بيحتاج لمهنيين ومدربين، لكن بقى موضوع “الرقعة” مش هتحتاج إنك تضرب مشوار وتستنى في طابور طويل في الزحمة، وبسهولة يقدر حد يستخدمها بنفسه

أخر كلمة: ماتفوتوش قراءة: تطبيق جواز السفر الصحي دلوقتي في مصر: كل التفاصيل اللي محتاج تعرفها

تعليقات
Loading...
Tweet
Share
Share
Pin