Close Menu
سكوب إمبايرسكوب إمباير
  • English
  • أخبار
  • فعاليّات
  • موضة
  • فنون
  • سفر
  • مأكولات
  • أعمال
  • تكنولوجيا
  • رياضة
  • صحة
  • خواطر
فيسبوك X (Twitter) الانستغرام
  • سكوب إمباير
  • ورا المزيكا
  • ورا السيما
  • SCOOP CALENDAR
  • English
فيسبوك X (Twitter) الانستغرام يوتيوب لينكدإن تيكتوك واتساب
سكوب إمبايرسكوب إمباير
  • أخبار
    طقس ثقيل على الإسكندرية.. 5 نوات تضرب المحافظة قبل نهاية العام
    12 نوفمبر 2026
    أول شلتر للكلاب الضالة بالقاهرة.. كم تبلغ تكلفة الإيواء والتعقيم؟
    10 نوفمبر 2026
    كيف وقع تصادم قطاري العياط؟ وما أسباب خروج العربات عن القضبان؟
    8 نوفمبر 2026
    ما أهم تعديلات قانون المرور في الإمارات؟ 9 ساعات قيادة و5 سيارات للمقيم
    8 نوفمبر 2026
    من هي سارة جوكاكو؟ طبيبة نفسية وشريكة حياة السيناتور الأمريكي-المصري عبدول السيد
    7 نوفمبر 2026
  • فعاليّات
    لأول مرة في مصر.. سحر الفروسية العالمية يلتقي بعظمة أهرامات الجيزة
    16 أكتوبر 2026
    فورمولا 1 في أفريقيا مجددا بعد 33 عاما
    13 أكتوبر 2026
    قبل تكريم منى زكي.. 10 نجوم حصدوا جائزة الإنجاز الإبداعي في مهرجان الجونة
    22 سبتمبر 2026
    ليلة العمر على البحر.. وجهات لإقامة فرحك في الساحل الشمالي
    27 أغسطس 2026
    مبادرة “يلا ساحل”.. خريطة أقوى الحفلات لعشاق الـHouse وTechno في صيف 2026
    16 يوليو 2026
  • موضة
    جوارب نجوم الفن الجريئة.. كيف تحولت الجوارب الملونة إلى صيحة موضة؟
    16 نوفمبر 2026
    أزياء غير تقليدية في أسبوع الموضة في مصر.. هل تجرؤ على ارتدائها؟
    16 نوفمبر 2026
    جيل زد يعلن تمرده في موضة الشتاء.. السترات العسكرية والبناطيل الجلدية يتصدران المشهد
    30 أكتوبر 2026
    وراء كل إطلالة حكاية.. أسرار أناقة نجمات مهرجان الجونة
    18 أكتوبر 2026
    الأزرق يسيطر على إطلالات الجونة 2026.. 5 نجمات تألقن باللون الملكي
    17 أكتوبر 2026
  • فنون
    محمد رمضان وأحمد العوضي.. رسائل ود متبادلة قبل رمضان 2027
    3 نوفمبر 2026
    ليالٍ بلا نوم وتضحيات خلف الكواليس: ماذا فعلت الأمومة بالمشاهير العرب؟
    27 أكتوبر 2026
    الحب على السجادة الحمراء.. “كابلز السينما” خطفت الأضواء في مهرجان الجونة 2026
    16 أكتوبر 2026
    محمد منير.. الفيلسوف الذي غنّى للحياة والموت
    11 أكتوبر 2026
    عبقرية الفنان ميشيل ميلاد.. كيف استطاع تغيير جلده؟
    4 أكتوبر 2026
  • سفر
    بريطانيا تحذر من السفر إلى مصر.. والأجانب: “نشعر بالأمان هنا!”
    2 نوفمبر 2026
    لماذا اختيرت جزر حوار بالبحرين لتصوير Avengers: Doomsday؟ اكتشف التجارب السياحية المذهلة
    1 نوفمبر 2026
    لا تحتاج إلى تذكرة سفر.. 7 رحالة عرب يأخذونك إلى عوالم غير مألوفة
    31 أكتوبر 2026
    سرّ حيّر العقول.. لماذا تتعامد الشمس على وجه رمسيس الثاني؟
    22 أكتوبر 2026
    شهب الجباريات تضيء سماء مصر.. متى تبلغ ذروتها وأين تراها؟
    21 أكتوبر 2026
  • مأكولات
    حكاية ترند الجمبري في مصر.. Butterfly أم Butter Fried؟
    15 نوفمبر 2026
    رابطة السمان في العراق.. من هو رسول أبو القوزي وما سر انتشار المجموعة؟
    13 نوفمبر 2026
    هوت شوكليت يدفّئ قلبك.. أماكن تستحق الزيارة هذا الشتاء
    30 أكتوبر 2026
    “khufu” المصري و”FZN” الإماراتي ضمن أفضل 100 مطعم في العالم.. أطباق تستحق الاكتشاف
    22 أكتوبر 2026
    أين تحتفل بالهالوين في مصر؟ 5 سهرات لا تفوتها هذا العام
    17 أكتوبر 2026
  • أعمال
    رفع الحد الأدنى للأجور للقطاع الخاص ابتداء من يناير 2027: كم يبلغ؟
    15 نوفمبر 2026
    قطار الخليج.. كيف يربط 6 دول بطول 1768 كيلومترا؟
    15 نوفمبر 2026
    كيف تتبرع لفلسطين؟ جهات رسمية تتيح إيصال المساعدات إلى غزة
    10 نوفمبر 2026
    نموذج مشتريات الذهب.. آلية جديدة لتوثيق كل عملية شراء للمشغولات والسبائك
    8 نوفمبر 2026
    الملصق الإلكتروني يدخل محطات البنزين.. هل تتغير طريقة تموين سيارتك؟
    6 نوفمبر 2026
  • تكنولوجيا
    ROB RUN.. لعبة سرقات ومطاردات مجانية تشعل منصة Steam
    16 نوفمبر 2026
    كيف تفوز في EA Sports FC 27؟ مهارات وخدع تجعلك تسيطر على منافسك في الملعب
    14 نوفمبر 2026
    “يانجوانج U9 إكستريم” الأسرع في العالم.. كيف وصلت إلى 503 كم/س في أبوظبي؟
    13 نوفمبر 2026
    ما أحدث أدوات صناعة المحتوى؟ أبرز أخبار التكنولوجيا هذا الأسبوع
    11 نوفمبر 2026
    لوسيا وجيسون.. ثنائي يشعل عالم GTA 6
    10 نوفمبر 2026
  • رياضة
    حكاية السعودي محمد شايف: كيف قاده مقطع كروي كوميدي إلى تريند عالمي؟
    12 نوفمبر 2026
    من هو كويزومي هادي؟ رحلة كروية بدأت في اليابان وانتهت بتمثيل منتخب مصر للشباب
    9 نوفمبر 2026
    من هو زين هشام؟ فيلبس العرب الذي حصد 3 ذهبيات تاريخية في أولمبياد الشباب
    9 نوفمبر 2026
    رونالدو يعتزل دوليًا: لماذا يحب العرب الدون رغم عدم لعبه مع منتخباتهم؟
    5 نوفمبر 2026
    أبطال مصر في منصات التتويج.. أبرز إنجازات المصريين عالميا هذا الأسبوع
    4 نوفمبر 2026
  • صحة
    “الحمد لله إن جالي كانسر”.. شريف مدكور يكشف كيف واجه السرطان بالرقص والموسيقى
    6 نوفمبر 2026
    “500 مليون عربي لا ينتجون علما ولا أدبا” ماذا يقول التاريخ لوزير الصحة الأمريكي كينيدي جونيور؟
    28 أكتوبر 2026
    جيل زد في الرعاية الصحية.. لماذا يخطط 70% لتغيير وظائفهم؟
    3 أكتوبر 2026
    قاهر السرطان: من هو العالم المصري أحمد الجندي المتوج بجائزة ماري كوري؟
    20 سبتمبر 2026
    الإمارات أول دولة تعتمد علاجًا فمويًا للبهاق.. ما الفئات المؤهلة لاستخدامه ؟
    19 أغسطس 2026
  • خواطر
    حكاية نظرية نوفمبر November Theory.. هل يستمر شريكك معك حتى 2027؟
    14 نوفمبر 2026
    أخبار إيجابية من الوطن العربي.. قصص تستحق الفخر هذا الأسبوع
    12 نوفمبر 2026
    الجمعة المقبلة نهاية العالم: نبوءة عمرها 66 عاما تشعل السوشيال ميديا
    11 نوفمبر 2026
    “جيه دي حبيبي” تغزو واشنطن.. كيف جعل عبدول السيد الأمريكيين يتحدثون العربية؟
    11 نوفمبر 2026
    المقاهي الثقافية في الرياض.. 7 أماكن لعشاق الكتب والقهوة
    31 أكتوبر 2026
سكوب إمبايرسكوب إمباير
أنت الآن تتصفح:الرئيسية»فنون»بتدور تتفرج على إيه؟ ده ملخص الأسبوع الأول من مسلسلات رمضان
فنون

بتدور تتفرج على إيه؟ ده ملخص الأسبوع الأول من مسلسلات رمضان

نيره عبدالعزيزنيره عبدالعزيز6 أبريل 2022آخر تحديث:7 أبريل 20229 دقائق
فيسبوك واتساب تويتر بينتيريست لينكدإن البريد الإلكتروني
بتدور تتفرج على إيه؟ ده ملخص الأسبوع الأول من مسلسلات رمضان
شاركها
فيسبوك تويتر لينكدإن بينتيريست البريد الإلكتروني

لو مش عايز يتحرقلك الأحداث، يبقى المقال ده مش ليك، احنا حاطين SPOILER ALERT أهو بالبُنط العريض. علشان احنا في أول أسبوع في رمضان وكله ملخبط ومش عارف لسه يتفرج على إيه؛ إيه المسلسلات اللي الناس بتقول إنها حلوة ولازم نشوفها ماينفعش نفوتها، إيه المسلسلات اللي خيبت ظنهم، إيه اللي بدأوا بداية قوية وشدّوا الجمهور، إيه فكرته خفيفة ولذيذة، وإيه تقيل وبيناقش قضايا مهمة. هنقولك اللي حصل وملخص مسلسلات رمضان لحد الحلقة الرابعة، وأنا، نيره، هقولك رأيي في المسلسلات، وأنت تقرر عايز تتابع إيه بعد ما تعرف كمان اللي فايتك بدل ما تضيع وقت في إنك تدور وتشوف الحلقات اللي فاتت.

فاتن أمل حربي

عن: فيسبوك

دراما مجتمعية بتناقش قضايا مهمة بتواجها ستات مصرية كتير، مشاكل أسرية وعنف وطلاق، ومشاكل يمكن كلنا سمعنا عنها للأسف في معظم الأسر؛ وعلشان كده المشاهدين تفاعلوا معه وحسوا إنه واقعي بشكل كبير، وبيتوقعوا إنه يعمل تغيير حقيقي في ثغرات قانون الأحوال الشخصية، اللي للأسف أزواج كتير بيستغلوها علشان يضغطوا على الزوجة في قضايا الطلاق والمشاكل الزوجية. لو أنت بتحب تتابع المسلسلات الواقعية واللي بتناقش قضايا وبتعمل تغيير مجتمعي، بننصحك تتفرج على “فاتن أمل حربي”.

في الحلقة الأولى، بتبان خلافات فاتن وجوزها سيف، اللي بتوصلهم للطلاق. وفي الحلقة التانية، بتتصدم فاتن بإن طليقها أخد عفش البيت كله وساب الشقة على الأرض، والبواب أكدلها إنه شاف سيف بينقل العفش على عربية، وقال إنه مستعد يروح يشهد باللي شافه في القسم لما تروح تعمل محضر سرقة منقولات. وفي مشهد صعب، بتبات فاتن وبناتها الاتنين على الأرض في الشقة. وفي الحلقة التالتة، بيحصل فلاش باك لخناقة من خناقات فاتن وسيف على حاجة تافهة جدًا بتبين إنه بخيل وبيستخسر الأكل في بناته، وبيبان من كلامهم إنه بيفضّل دايمًا والدته على مصلحة بيته وبناته، وإن فاتن بتصرف كل مرتبها على البيت. وبتتطور الخناقة لإن سيف بيمد إيده على فاتن، ويتضح إن دي مش أول مرة. وفي الحلقة الرابعة، حصلت حاجة لطيفة معظم الناس ماعندهاش علم بها، وهي وجود مجمع الخدمات المتكاملة اللي بيستضيف الستات اللي بتتعرض للعنف وبيحميهم.

إعلان

والحلقة الرابعة كانت السبب في إن الناس تعرف أكتر عن الأماكن اللي بتحمي الستات المعنفات وبتستضيفهم، وصفحة speak up عملت قائمة ببعض الأماكن تقدروا تشوفوها من هنا.

الكبير 6

View this post on Instagram

A post shared by ON (@ontv)

في الحلقة الأولى من عودة الكبير في الجزء السادس، ظهرت معاناته كـ single dad بيربي أولاده التوأم من غير هدية أمهم لإنها في مصحة نفسية، وبيظهر جوني بتغيير كبير في شكله وهو مكتئب وحابس نفسه في أوضته ومش بيعمل حاجة غير إنه ياكل. وفي الحلقة التانية، بتحصل مفاجأة بتحول ابن الكبير من طفل لشاب بعد ما شرب لبن، وبعد لف كتير بيكتشفوا إن اللبن ده طفرة علمية. أما الحلقة التالتة مفاجأتها كانت ظهور عمة الكبير، اللي قامت بدورها سما إبراهيم، وبتفرض عليه يتجوز علشان تقلل من عليه مسئوليات الأطفال ويتفرغ للعمودية. وفي الحلقة الرابعة، الكبير بيتجوز “مربوحة” حتى مع رفض أولاده لها ومحاولاتهم إنهم يبوظوا الجوازة.

المسلسل كوميديا خفيفة مع شخصيات اتعودنا عليها وحبيناها، لو أنت بتحب تتفرج على حاجة خفيفة كده على الفطار، بنرشحلك “الكبير”.

الاختيار 3

عن: انستجرام

من أهم المسلسلات في السباق الرمضاني السنة دي والكل متابعه، لكن لو أنت فاتك الحلقات الأولى، هنقولك على الملخص المفيد.

الحلقة الأولى كانت مفاجأتها ظهور شخصية الرئيس عبد الفتاح السيسي، علشان يشارك في الأحداث اللي بتحكيلنا كواليس أهم 96 ساعة في تاريخ مصر في الفترة الأخيرة، وبيجسد الفنان ياسر جلال دور الرئيس، وأكيد حتى لو أنت ماشوفتش المسلسل، أكيد شوفت انبهار الناس بتقديمه للشخصية بإتقان. وكمان إشادات الناس باختيار موفق للممثلين اللي تقريبًا شكلهم طبق الأصل من الشخصيات الحقيقية، زيّ خالد الصاوي في دور خيرت الشاطر، وعبد العزيز مخيون في دور محمد بديع مرشد الإخوان.

الحلقة الأولى شهدت تفاصيل خروج الشعب في مظاهرات ضد حكم الإخوان في ثورة 30 يونيو، وازاي خطط خيرت الشاطر ومحمد البلتاجي لأخونة جهاز الشرطة المصرية وتفكيكه من خلال ميليشيات مسلحة. أما الحلقة التانية كانت ملخصها إن خيرت الشاطر طلب من السيسي إن يكون في تعاون بين الجيش والإخوان، لكن السيسي أظهر عدم اهتمامه بالكلام وبيّن اهتمامه برجال الجيش، ومن ناحية تانية بيظهر باقي الأبطال الــ٣ الضباط؛ زكريا ومصطفى ومروان، اللي بيقوموا بمأمورياتهم المختلقة بهدف الوصول لأعضاء الجماعات التكفيرية. والحلقة التالتة كانت تحت اسم “أخونة الدولة”، وكان فيها زيارة مرشد الإخوان للفريق أول عبد الفتاح السيسي اللي أكد إن الجيش لازم يكون بعيد عن الانتماءات السياسية. وفي الحلقة الرابعة، كان الحدث الرئيسي أزمة النائب العام، وأزمة انقطاع الكهرباء ونقص الوقود وقتها، وفي اجتماع الحكومة أكد وزير الدفاع الفريق أول عبد الفتاح السيسي إن لازم نتكلم مع الشعب بوضوح ونوضح الأزمة الاقتصادية، مش مجرد نهدي غضب الناس.

سوتس بالعربي

عن: انستجرام

المسلسل الأجنبي، هو هو بس بطابع مصري وشخصيات بنشوفها حوالينا في يومنا، وخناقة بين الناس اللي شافت النسخة الأجنبية منه وبتفسد على إخواتهم اللي لسه أول مرة يشوفوه في نسخته العربية. المسلسل اتحط في مقارنات كتير من أول الإعلان عن الشخصيات، وفي مقارنات بينهم وبين ممثلين النسخة الأجنبية، لكن المسلسل لحد دلوقتي ماشي كويس وبنشوف مكتب محاماة كبير بيضم أهم وأكبر محاميين في البلد، يا ترى ازاي بيتعاملوا مع القضايا بطابع مصري؟ هنعرف في الحلقات الجاية أكيد. لكن حاليًا ماسكين قضية تحرش جنسي، وبيلموا المعلومات علشان يجيبوا حق الضحية، اللي بتقوم بدورها هدى المفتي. والحقيقة المسلسل فتح المناقشة في موضوع التحرش الجنسي في أماكن العمل، وازاي الموضوع بيكون أصعب وازاي ممكن نتعامل معه ونجيب حقنا. وده اللي بنستناه من الدراما، إنها تأثر في الواقع وفي الناس بشكل إيجابي.

أحلام سعيدة

عن: انستجرام

السنة دي يسرا سابت الصراعات العائلية والدراما وحبت تجي لنا بشوية كوميديا ولذاذة، عاملة دور “فريدة هانم” اللي عايشة لسه مع نفسها في زمن هوانم جاردن سيتي، وعايزة كل حاجة مظبوطة بالمللي، وبتروح مزادات تشتري حاجات غريبة بفلوس كتير. لكن بعد كده بيحصل حاجة تقلب كل ده، فريدة هانم عملت حادثة بتفقدها البصر، وبيقترحوا عليها تشارك في جلسة علاج جماعية مع ستات وكل واحدة بتتكلم عن مشاكلها وعن حياتها، وبتتعرف منها على غادة عادل ومي كساب. في الأول ماكانتش طايقاهم، بس مع الوقت بيبقوا أصحاب، ومستنيين نشوف الأحداث الجاية هتجمع بينهم ازاي.

مكتوب عليا

من الحاجات الخفيفة والكوميديا مع شوية خيال علمي وفكرة مختلفة، “مكتوب عليا” اسم على مسمى، في رحلة البطل أكرم حسني اللي بيقوم بدور مدرس موسيقى. أول حلقة كانت عبارة عن تعريف بالشخصية وحياته، وبعد كده بيبتدي يشوف كلام بيتكتب على جسمه بشكل غريب، ويدخل في دوامة الدكاترة ويحاول يعرف سبب اللي بيحصله. الغريب كمان إن كل يوم بيصحى يلاقي كلمات معينة مكتوبة على إيده، والكلمات دي بتتحقق من خلال موقف في يومه، ومجرد ما الحدث يتحقق الكلمة بتختفي من على إيده، كل ده بيحصل في إطار أحداث شخصيته وعيلته والدكتور النفسي اللي بيعالجه بالطب البديل، إيه سبب ظهور الكتابات دي وازاي مربوطة بأحداث يومية في حياته؟ مستنيين نعرف!

مين قال

مسلسل “مين قال” هو التريند على شاهد vip، وفي الحلقة الأولى شوفنا أحمد داش اللي بيلعب دور “شريف” وهو في صراع مع نفسه وعيلت. شريف هو طالب في الثانوية العامة، ويوم النتيجة، باباه، اللي بيلعب دوره الممثل جمال سليمان، قال إنه عاوزه يدخل هندسة عمارة، لكن بنشوف شريف وهو عنده اهتمامات تانية زيّ بيع منتجات على صفحته. بتتطور الأحداث وبنشوف الأب وهو بيجبر ابنه إنه يقفل الصفحة دي ويهتم بالهندسة، وبيستمر الصراع ده ما بين شريف وعيلته، الصراع الموجود في كل البيوت المصرية، لحد ما نوصل الحلقة الرابعة ويتعرض شريف لمشكلة كبيرة.. ياترى إيه اللي حصل والمشكلة دي هتتحل ازاي؟ متحمسين نعرف!

المشوار

عن: انستجرام

معظم الناس متحمسة لمسلسل محمد رمضان السنة دي، وبيتكلموا عن الإخراج والتصوير فيه، ومتحمسين للقصة كمان، اللي لحد دلوقتي بتدور عن محمد رمضان ومراته دينا الشربيني، اللي بسبب ضيق الحال مضطرين يعيشوا في نفس البيت مع الخالة صفية. وفي الحلقة التانية، بتحصل مفاجأة بنعرف بيها أخيرًا إيه حكاية الشنطة اللي اتعمل عنها تريند والناس كانت مستنية تشوف إيه الحاجة المهمة اللي فيها، وطلع إن فيها آثار، واتقبض على رجل الأعمال “وجيه بيه” وتم التحفظ على الشنطة، لكنه قال إنه مايعرفش أي حاجة عنها أو عن اللي جواها، أما محمد رمضان “ماهر” وزوجته دينا الشربيني هربوا من المصنع، وده بعد ما كشف مكانهم رجال أحمد كمال اللي هو “وجيه بيه” المتهم في قضية التجارة في الآثار، وطلب وجيه من زوجته الوصول لمحمد رمضان فورًا وقدروا يعرفوا مكانه من خلال تليفون صاحبه”سعيد”. ورحلة هروب من هنا لهنا وبعدها شكوك في تورط محمد رمضان في قضية الآثار، لكن إيه علاقتهم بالشنطة؟ مستنيين نعرف، ومستنيين إنه يبقى مسلسل مختلف عن كل مسلسلات محمد رمضان في السنين اللي فاتت.

راجعين يا هوى

For fun 😂😂❤️
@nourelnabawy1 #راجعين_يا_هوى #خالد_النبوى #نور_خالد_النبوي #نور_النبوي #رمضان2022 pic.twitter.com/P23cjYzpd5

— Nour✨ (@nourelnabawyfan) April 5, 2022

دراما عائلية ومشاكل على ورث وشكوك في قتل أخ، فبينزل خالد النبوي “بليغ” لمصر بعد سنين من الغربة، علشان يحل مشاكل العائلة اللي زوجات أخواته فيها بيكرهوا بعض وبيخلوا أولاد العائلة كمان مش طايقين بعض. وفي وسط كل ده، خالد النبوي بيقابل نور، وبتجمع بينهم صدفة بتخليها تمثل إنه خطيبها علشان تهرب من عريس متقدم لها. الدراما في عائلة بليغ دراما كوميدية بين السلايف في العيلة وهما وفاء عامر وأنوشكا، واللذيذ كمان إننا بنشوف في المسلسل خالد النبوي وابنه نور، والناس بتتكلم عن الأوفردوز كاريزما في المسلسل.

خالد النبوي و نور خالد النبوي من أجمد الثنائيات اللي حصلت في رمضان ده

— Sandy (@gabra_sandy) April 2, 2022

في بيتنا روبوت 2

View this post on Instagram

A post shared by Hisham Gamal (@hishamgamalbb)

من كتر هيافته هو عدى مرحلة الخفة واللذاذة والكوميديا العادية، علشان كده، لو أنت من محبين المسلسلات الخفيفة -أوي جدًا- يبقى ده المسلسل المثالي لك، وأنت بتفطر، وأنت سارح في الملكوت بعد الفطار وعايز تتفرج على قصة خفيفة ومشاهد كوميدية مش هتحتاج تشغل دماغك فيها خالص، بننصحك تشوف في “بيتنا روبوت 2”. ببساطة، المسلسل بيدور عن نفس العيلة اللي شوفناها في الجزء الأول، هشام جمال وزوجته في المسلسل ليلى زاهر، والروبوت اللذيذ اللي بيقوم بدوره عمرو وهبة، والروبوت زومبا اللي بتقوم بدورها شيماء سيف، في أحداث كوميدية ظريفة خفيفة عايزين نعرف المغزى من وراها إيه.

يوتيرن

عن: انستجرام

غيرة بين الصحاب ومين بيوقع بين مين ومين نفسها تخرب بيت صاحبتها، دايرة من عدم السلكان بتسيطر على مسلسل يوتيرن والشر كله طالع لحد دلوقتي من نانسي صلاح، أما ريهام حجاج ظهرت في أول المسلسل بلبس ظابط ملاحة مع كريم قاسم زميلها اللي بتربطهم علاقة قوية خصوصًا إنهم كمان قرايب، إيه اللي هيحصل ونهاية التوقيع بين الناس ده وعدم السلكان إيه؟ لو مهتم اتفرج واعرف.

ملف سري

عن: انستجرام

المسلسل بيركز على قاضي معروف عنه النزاهة والعدالة، وإنه بيواجه الفساد، لكنه بيتعرض لابتزاز من عيلة “المالكي” ودي عيلة رجل أعمال مهم، علشان مصلحة في قضية تخص تعاملات غير قانونية لرجل الأعمال> وطبعًا القاضي بيرفض كل محاولات المالكي، لحد ما خطيبته بيتم إدخالها في صراعهم وبتختفي قبل المحاكمة.

مستنيين نعرف باقي الأحداث، ولو أنت بتحب النوع ده من الدراما، هيعجبك أداء الممثلين اللي الجمهور فعلًا بيشيد بيهم.

آخر كلمة: ماتفوتوش قراءة: في رمضان: ازاي حرق المسلسلات على السوشيال ميديا بيفقدنا متعة المشاهدة

الاختيار الكبير رمضان رمضان 2022 سوتس بالعربي فاتن أمل حربي مسلسلات ملخص
السابقحياة حلوة: إعلان شاور على قضايا بتنتهك الطفولة في مصر
التالي تخيل لو رجعنا نشوف إبراهيم نصر بدل رامز جلال في رمضان؟
نيره عبدالعزيز
  • فيسبوك
  • الانستغرام

نيره عبدالعزيز: بتحب الفن، الموسيقى والتصوير.. ومهتمة بصناعة الأفلام. نفسها تتعلم أكتر في الكتابة والتصوير.

إعلان

المقالات ذات الصلة

محمد رمضان وأحمد العوضي.. رسائل ود متبادلة قبل رمضان 2027

3 نوفمبر 2026

ليالٍ بلا نوم وتضحيات خلف الكواليس: ماذا فعلت الأمومة بالمشاهير العرب؟

27 أكتوبر 2026

الحب على السجادة الحمراء.. “كابلز السينما” خطفت الأضواء في مهرجان الجونة 2026

16 أكتوبر 2026

التعليقات مغلقة.

تابعونا
  • Facebook
  • Twitter
  • Pinterest
  • Instagram
  • YouTube
  • LinkedIn
  • TikTok
  • WhatsApp
إعلان
سكوب إمباير

وجهتك الحضرية في الشرق الأوسط

فيسبوك الانستغرام تيكتوك يوتيوب واتساب X (Twitter) لينكدإن

الأقسام

  • أخبار
  • فعاليّات
  • موضة
  • فنون
  • سفر
  • مأكولات
  • أعمال
  • تكنولوجيا
  • رياضة
  • صحة
  • خواطر

المزيد

  • من نحن
  • اتصل بنا
  • فريق العمل
  • وظائف
  • الشروط والأحكام
  • سياسة حماية الخصوصية
  • English

سكوب إمباير © 2026 جميع الحقوق محفوظة.

Scoop Empire Universe

اكتب كلمة البحث ثم اضغط على زر Enter