بالصور: وادي المُر.. قرية عمانية تحت الرمال

من حوالي 30 سنة، عاصفة رملية قضت تقريبًا على ملامح قرية كاملة في سلطنة عمان وبقت كلها تحت الرمل، وادي المُر، اللي اضطر سكانه إنهم يمشوا من بيوتهم وقريتهم كلها بسبب ظروف طبيعية خلتهم يسيبوا مكانهم، ودلوقتي بيرجعوله كزوار ويفتكروا ذكرياتهم الجميلة فيه، ويحيوا ذكرى مكان محفور جواهم، ورغم كل الظروف دي، الوادي لسه محتفظ بالمعالم بتاعته، وده يمكن اللي خلى الزوار إنهم يستكشفوه مرة تانية وهو منطقة في قلب الصحراء.

زحف الرمال مش بيقتصر على سلطنة عمان، ده موجود في كل حتة في العالم، لكن وادي المُر كانت معزولة ومش متوفر فيها شبكات لتوفير الكهربا والمياه، وده ساهم أكتر في اختفائها، لإن سكانها اضطروا يسيبوها ويروحوا لقرى تانية جنبها، ويعتمدوا على تربية الحيوانات.

كل ده مامنعش السكان الأصليين من إنهم يزوروا القرية، وكمان فيه ناس كتيرة بيروحوها بس للزيارة والتخييم، وكمان القرية وجهة مميزة لمحبي رياضة المشي في الجبال، لإن نتيجة عوامل التعرية ابتدى يظهر أجزاء من معالم القرية، وكمان لسه محتفظة بالبيوت القوية لإنها مبنية من الحجر، ولسه متمسكة بجمالها الفريد من نوعه، وده خلاها مكان مناسب لمحبي الطبيعة والتصوير.

آخر كلمة: ماتفوتوش قراءة: بعد إلغاء الفيزا.. أماكن سياحية مينفعش تفوت زيارتها في عمان

تعليقات
Loading...
Tweet
Share
Share
Pin