مدائن صالح أو مدينة الحجر، هي مدينة حجرية وموقع أثري موجود في إقليم الحجاز في شبه الجزيرة العربية في شمال غرب السعودية، وفي محافظة العلا بالتحديد، وهي موجودة كمان في موقع استراتيجي، فهي على طريق بيربط بين جنوب الجزيرة العربية ببلد الرافدين وبلاد الشام ومصر، وتعتبر أول موقع في السعودية ضمن مواقع التراث العالمي لمنظمة اليونسكو، فمدائن صالح موجودة من قبل عصر الإسلام، فكانت من أيام عهد المملكة النبطية وفيها أكبر مستوطنة جنوبية لمملكة الأنباط بعد مدينة بترا اللي موجودة في الأردن.
كان بيعيش في مدائن صالح قوم ثمود اللي سكنوا في المدينة في الألفية التالتة قبل الميلاد، وفي القرن التاسع قبل الميلاد سكنها اللحيانيون، وفي القرن التاني قبل الميلاد سكنها الأنباط، وعلشان كده هي تعتبر وجهة سياحية مهمة وكبيرة، فبيزورها الناس من كل حتة، لإنها عدى عليها تاريخ وحضارات كتيرة ومن أقدم الأزمنة، وكمان فيها أثار ومقابر وممرات وجبال بتحكي تراث وثقافات.
وفي حاجة هناك حلوة، وهو إن في تطبيق على الموبايل اسمه “LivingMuseum” مش بيشتغل إلا في مدائن صالح، وممكن اللي بيزور المكان إنه يشوف الأنباط كانوا بيعملوا إيه في مكان معين هناك من خلال إنه يحرك الموبايل ويوجه الكاميرا على المكان اللي عايز يعرف كانوا بيعملوا فيه إيه.
