بيقع فندق المديرة على بعد 4 كم من وادي الملوك ووادي الملكات ومعبد حتشبسوت بالأقصر، واللي بيميز الفندق هو إنه لسه محتفظ بمظهره المعماري وكمان الأثاث اللي بيغلب عليه الطابع الشرقي لإنه قصر اتبنى في بداية الألفية، وبيظهر ده في تفاصيل زخارف الأرابيسك والنقوش الشرقية.. علشان كده نقدر نقول بكل ثقة إنه فعلًا تحفة معمارية.. ومع احتفاظه بالتراث والعراقة، فمع ده بردو بيتعمل تجديدات على طول علشان يفضل مناسب لاستقبال الزوار. والجو العام، والروح اللي بيضيفوا للمكان بعراقته وطرازه القديم والأصيل، ففندق المديرة هو اللي بيدور عليه كتير من السياح والزوار وقت الأجازة علشان يستمتعوا بالأثاث الشرقي اللي بياخدهم للزمن الجميل والقديم اللي أكيد بيساعد في عملية الاسترخاء والهدوء.
بالصور: فندق المديرة.. تحفة عمرانية بالأقصر
نور المليجي
نور المليجي: كاتبة طموحة، بتحب الإعلام والفنون من طفولتها. بتستمتع بتكوين علاقات اجتماعية، ومؤمنة بقوة الحب والإيجابية في تغيير العالم للأحسن. نور بتدرس حاليًا بكلية الإعلام، وبتحلم تكون إعلامية مشهورة تلف العالم كله وتستخدم حبها لعلم النفس في إنها تسيب بصمتها الخاصة في حياة الناس و المجتمع.
