في فعاليات الدورة الـ 42 من مهرجان القاهرة السينمائي الدولي، من يوم الافتتاح تألق كل نجوم ونجمات الفن والمشاهير بأحدث صيحات الموضة وأبهرونا على السجادة الحمراء، لكن السنة دي كان ملفت في اختياراتهم للإطلالات إن كتير منهم اعتمد على اللون الأسود اللي عمره ما فشل يكون إطلالة شيك وجميلة، لدرجة إن بعض الفنانات لبست كذا إطلالة سوداء على مدار أيام المهرجان اللي فاتت.. فتعالوا نشوف مين من النجمات تألقت أكتر بيه.
من يوم حفل الافتتاح، وأكتر من نجمة اختاروا اللون الأسود لإطلالتهم، باختلاف أشكال وموديلات الفساتين.
اقرا أيضًا: ستايلست إطلالات الفنانات في حفل افتتاح مهرجان القاهرة السينمائي.
والفنانة ليلى علوي، اختارت فستان باللون الأسود بتصميم بسيط شيك في حفل الافتتاح خطفت بيه الأضواء.
وفي اليوم التالت من فعاليات المهرجان، اختارت برضه إطلالتها بنفس اللون، ولكن بتصميم مختلف، مش عارفين مين فيهم كان أحلى من التاني.
والفنانة أمينة خليل، ظهرت بفستان أسود في العرض العالمي الأول لفيلمها الجديد “حظر تجول” وخطفت الأنظار بإطلالتها.
ومش بس فساتين، النجمات اختاروا اللون الأسود لإطلالاتهم بأشكال مختلفة زيّ الـ jumbsuit اللي ظهرت مختلفة وشيك على السجادة الحمراء.
