ستايلست إطلالات الفنانات في حفل افتتاح مهرجان القاهرة السينمائي

إطلالات المشاهير على السجادة الحمرا في المهرجانات بيكون وراها شغل كتير وتعب من مصممين الأزياء، والمجوهرات، ومصففين الشعر، ولكن بيكون في مجهود أكبر من الستايلست اللي بيساعدوا المشاهير في اختيار الحاجات اللي هيلبسوها، والشكل اللي هيظهروا بيه، وفي افتتاح مهرجان القاهرة السينمائي الدولي، شوفنا إطلالات كتيرة جميلة وتاخد العقل لمي سليم، ودرة، وصبا مبارك، وهنا الزاهد، وياسمين صبري، وريا أبي راشد، وسارة عبد الرحمن، فتعالوا نشوف مين الستايلست اللي ساعدهم في اختيار إطلالاتهم.

دُرة

ستايلست الفنانة الجميلة دُرة كانت يمنى مصطفى، وهي كانت ستايلست لفنانات كتير زيّ ليلى علوي في مهرجان الجونة السينمائي 2020، وريا أبي راشد في مهرجان الأوسكار سنة 2020.

مي سليم

الفنانة مي سليم كان الستايلست بتاعها هو سعيد رمزي، وهو كان الستايلست للفنانة بسمة، والفنانة بشرى في مهرجان الجونة السينمائي 2020.

صبا مبارك

ستايلست الفنانة صبا مبارك كانت ياسمين عيسى، وهي كانت ستايلست الفنانة منة شلبي وسلمى أبو ضيف في مهرجان الجونة السينمائي 2020.

هنا الزاهد

ستايلست الفنانة هنا الزاهد كانت ياسمين علي، وكانت ستايلست الفنانة رانيا يوسف ونور قدري في مهرجان الجونة السينمائي 2020.

ياسمين صبري

الفنانة ياسمين صبري كان الستايلست بتاعها كارول بوخالد، وهي كانت الستايلست للفنانة ياسمين صبري في مهرجان الجونة السينمائي 2020، ومهرجانات تانية كتير، وكمان الفنانة سيرين عبد النور في برنامج “الديفا”.

ريا أبي راشد

ستايلست الجميلة ريا أبي راشد كان سيدريك حداد، وكان الستايلست للفنانة نجوى كرم وسميرة سعيد في برنامج MBC The Voice Senior، والجميلة نادين فرج في مهرجان الجونة السينمائي 2020.

سارة عبد الرحمن

ستايلست الفنانة سارة عبد الرحمن كان مصطفى وحيد، وهو ستايلست أسماء جلال، وكان ستايلست الجميلة هدى المفتي في مناسبات كتيرة.

آخر كلمة: ماتفوتوش قراءة: إطلالات الفنانات بالأحمر في افتتاح مهرجان القاهرة السينمائي 2020

تعليقات
Loading...