الـ UFC أعلنت عن ماتشات “جزيرة القتال” بأبوظبي، والعالم كله مستني يشوف اللي هيحصل بفارغ الصبر!
في أول يونيو، أعلن دانا وايت رئيس الـ UFC -أو “بطولة القتال النهائي” بالعربي- إن فعاليات جزيرة القتال UFC 251 هتحصل في أبوظبي على جزيرة ياس، وإن فيه أربع ماتشات تم تحديدها في شهر يوليو في أيام و11، و15، و18، و25.
محبي ومتابعي “فنون القتال المختلطة” أو الـ MMA حوالين العالم تحمسوا للخبر وخصوصًا لإن ده هيكون أكبر حدث عالمي بعد بداية تخفيف الإجرائات الاحترازية الناتجة من أزمة فيروس الكورونا المستجد. وبما إن خطر انتشار العدوى لسه موجود، وعشان ضمان سلامة اللاعبين والمدربين فوايت وضح بإن الفعالية هتكون من غير جمهور، وإن هيكون في 10 ميل مربع على جزيرة ياس مقفولة مخصوص للاعيبة والمدربين والعمال. المنطقة دي هيكون فيها الحلبة والفنادق وكل المرافق اللي ممكن يحتاجها أي حد من المقيمين.
إمارة أبوظبي سمحت للـ UFC تعمل الماتشات في جزيرة ياس وده بعد ما كتير من اللاعبين حوالين العالم معرفوش يسافروا للولايات المتحدة بسبب الحظر المطبق على حركة الطيران وسوء الوضع الصحي في أمريكا بسبب “كوفيد-19″، بينما في الكفة التانية، الإمارات العربية المتحدة أعلنت سيطرتها بشكل جزئي على الفيروس وبدأنا نشوف أعداد الحالات فيها بتقل، ودلوقتي بنشوف إزاي البلد بتفتح تدريجيًأ، كمان الإمارات قدرت توفر مكان آمن ومغلق لأي حد مش تابع للـ UFC.
الحلبة الثمانية الجديدة لسه نازلة صور ليها النهاردة وعرفنا إنها هتكون على الشاطئ ومطلة على البحر. وايت قال لـ TMZ Sports الشهر ده: “لدينا بالفعل ساحة. لقد بنينا ساحة صغيرة هناك رائعة جدًا جدًا.. سيكون لدى المقاتلين أماكن خاصة بهم للتدريب. وسيكون هناك مثمن على الشاطئ أيضا.”
الفعاليات هيكون من ضمنها ماتش كامارو عثمان مع جيلبرت بيرنز في فئة الوزن المتوسط، كمان هيواجه ألكسندر فولكانوفسكي خصمه ماكس هولواي في لقب وزن الريشة، ومن المقرر أن يواجه خوسيه ألدو خصمه بيتر يان في وزن الذبابة.