الأكل والموود.. انعكاس وجباتنا على وظائف الدماغ

Food for brain and good memory. Prevention of senile dementia

بواسطة منة حسني.

من المُتعارف عليه من ناحية الأطعمة اللي بتحتوي على سكريات ودهون كتير إنها بتزود الوزن أو بتسبب السمنة.. لكن اللي أغلبنا مايعرفهوش هو إن الأكل الغير صحي بيدمر الدماغ، تعالوا نفهم إيه اللي بيحصل.. 

الأولوية للصحي

أول حاجة وبشكل بسيط جدًا الاعتماد على الأكلات الغير صحية بشكل يومي بيضيع فرص تانية كتير لتناول عناصر صحية زي المعادن والألياف والبروتينات وده بسبب افتقار الأكلات الغير صحية للعناصر الأساسية الصحية اللي بيتعرف عليها الجسم و يمتصها..

عن Anxiety.

تغذية الدماغ

تاني حاجة افتقار الجسم لبعض العناصر زي فيتامين ب 12 و الأحماض الدهنية الصحية زيّ أوميجا 3 اللي الجسم مابينتجهاش لوحده وبيحتاجها بشكل يومي من المصادر أو المكملات الغذائية ليه تأثير سلبي جدًا على الدماغ. 

حالة افتقار عناصر مهمة زيّ دي -مسئولة عن تغذية الدماغ وتحسين كفاءته وبتسهل انتقال الاشارات العصبية ليه- هيأثر سلبيًا بشكل كبير على التحكم في الأفعال وردود الأفعال والسلوكيات اليومية، على عكس الأشخاص اللي بيتناولوا أغذية متوازنة وصحية بشكل أساسي بتكون قدرتهم على التفكير وإدارة الأزمات واتخاذ القرارات أفضل بكتير.

توتر كيمياء الدماغ زيّ الاشارات العصبية

اُجريت أبحاث أسترالية كتير على ردود أفعال الحيوانات بعد تناولولهم للسكريات والدهون الغير صحية بشكل أساسي و كانت نتيجه الأبحاث دي إن الحيوانات أصبح عندها مشاكل في الذاكرة وزيادة في نسبة القلق والتوتر واضطراب الجهاز العصبي.

أما الحيوانات اللي اعتمدت في غذائها على العناصر الصحية كانت بتتصرف بردود أفعال طبيعية ومتزنة.

تقلص حجم الدماغ

المواد الدهنية الغير صحية علي المدى الطويل بتعمل انسداد في الشرايين والأوردة الجسمية الشئ اللي بيسبب مشكلة في حركة الدورة الدموية وبيعمل تجلطات في الدم. أما بالنسبة للدماغ فالدهون والسكريات بتبني طبقة من الدهون داخل أوردة و شرايين المخ وبيعجز سريان الدم وبيضعف انتقال الاشارات العصبية بصورتها الطبيعية.

عن My Heart.

الإدمان

بعض الأبحاث اللي أُجريت في أستراليا أكدت إن تأثير السكريات على الدماغ اشبه بتأثير مادة الكوكايين فالمادتين مسئولين عن الشعور بالتحفيز والنشوة عشان كده بنواجه صعوبة في تبطيل السكريات والاكلات الدسمة.

الخلايا الدبقية

دي خلايا موجودة داخل الجهاز العصبي ودي بتقوم بدورها الطبيعي أثناء التزام الشحص بنظام غذائي صحيّ ودورها الطبيعي هو التخلص من الخلايا العصبيه الميتة بالفعل في الدماغ وبتهاجم الأجسام الغريبة والجراثيم.  ومن الغريب إن الخلايا دي في ظل تناول السكريات وتناول الأغذية الغير صحيه بتقوم بدور عكسي تمامًا؛ الخلايا الدبقية وقتها بتقوم بمهاجمة والتهام الخلايا العصبية الحية في الدماغ الشئ اللي يسبب ضمورها.

عن I believe in Science.

ببساطة، الغذاء هو البنزين اللي بيه بتتحرك وبتتفاعل كل خلية في جسمنا.. و بناءً على نوعه وجودته بتنجح التفاعلات الكيميائية الداخلية أو بتفشل وبيكون فيها مشكلة. 

آخر كلمة: قولي.. لسه مابتحبش الخضار والألياف وبتنسى تشرب وبتفضل عليهم الفاست فود؟

تعليقات
Loading...
Tweet
Share
Share
Pin