ازاي الجمهور المصري أظهر حبه ودعمه لعمرو السولية؟

ناس كتير كانت بتتابع باهتمام ماتشات كأس العرب الفترة اللي فاتت، وكانوا شغالين تحليل كروي على أداء كل المنتخبات العربية، باعتبارها عادة أصيلة عند الشعب المصري في أي بطولة، وامبارح كان ماتش حاسم لمنتخب مصر، بس ضاع مننا حلم إننا ننافس في المركز الأول من البطولة في الدقائق الأخيرة بسبب هدف خطأ من عمرو السولية جيه في مرمى منتخبنا المصري.

وعلق ساسي لاعب منتخب تونس على الموضوع وقال: إن عمرو السولية لاعب كبير وقائد لمنتخب مصر لكن هي دي كرة القدم، وإن السولية حاول يخرج منها بس هي جات في المرمى وده خطأ عادي بيحصل والشعب المصري بيفهم في الكرة وعارف إن ده خطأ ممكن أي حد يتعرض له في أي ماتش.

وعلق بيتسو موسيماني المدير الفني للفريق الكروي بالنادي الأهلي على اللي حصل بصورة له مع عمرو السولية وقال “إننا مش هنستنى علشان نحتفل بيك على أي حال من الأحوال، لإن شغفك واجتهادك مانقدرش ننساهم.”

وخالد الغندور علق وقال إن الخطأ وارد وأنت لاعب كبير وعندنا تحديات كتيرة أهم الفترة اللي جاية منها كأس الأمم الأفريقية والأهم من كل ده إننا نوصل لكأس العالم.

وبجانب الدعم اللي اتقدم من رواد الكرة، كان في دعم كبير اتقدم من الجمهور المصري، وهاشتاج #ادعم_عمرو_السولية بقى تريند في مصر في الساعات اللي فاتت، وكان مليان رسائل حب ودعم للسولية وتقدير لمشواره الكروي، وإنه لاعب مميز ومفيش خلاف على كده، وإن ساعات الظروف بتبقى عكس اللي اللاعب عايزه وفي الأول والأخر دي لعبة فيها مكسب وخسارة وإنه أكيد عاش لحظات صعبة في الساعات اللي فاتت بسبب إنه كان سبب في خسارة منتخبنا وخروجه من البطولة، فأكيد محتاج الدعم والتقدير من كل جماهيره وناديه، مش بس علشان ده كان خطأ غير مقصود، لأ ده احترامًا لتاريخه المهني والكروي اللي مليان بالإنجازات والبطولات، والخطأ الكروي ده مش أول مرة حد يتعرضله أو يتحط فيه، نجوم الكرة الكبار وقعوا في نفس الغلط ده قبل كده.

أخر كلمة: ماتفوتوش قراءة: إصابة محمد إيهاب تدفعه للانسحاب من بطولة العالم

تعليقات
Loading...
Tweet
Share
Share
Pin