اختيار أحمد حلمي سفير إقليمي لليونيسف في الشرق الأوسط وشمال أفريقيا

منظمة اليونيسف أعلنت عن تعيين الفنان أحمد حلمي سفير لها في الشرق الأوسط وشمال أفريقيا، وهيكون له دور مهم للمنظمة في المنطقة بتعزيز رسائل حقوق الطفل والتوعية بقضايا الطفولة، وبالفعل أحمد حلمي له إنجازات كتير في المجال ده، وتم اختياره في سنة 2017 يكون سفير النوايا الحسنة لمصر هو ومنى زكي، وشاركوا في فعاليات الجمعية العامة لحضور إطلاق تقرير عالمي عن تنمية الأطفال في مرحلة الطفولة، لتأييد وتوفير بداية عادلة للأطفال في كل مكان، تعالوا نعرف اكتر عن إنجازات أحمد حلمي اللي تخليه اختيار موفق لإنه يبقى سقير اليونيسف في المنطقة.

بدأ حلمي رحلته كسفير لليونيسف في مصر بفيديو قصير بيدعو فيه لإنهاء الممارسات التأديبية العنيفة، وشارك بتجربته كأب، والحملة وصلت لأكتر من 80 مليون شخص على وسائل التواصل الاجتماعي، وفي سنة 2018 كمان كان الوجه الإعلامي الرئيسي لأول حملة وطنية لمكافحة التنمر في مصر.

#أنا_ضد_التنمر #ImAgainstBullying

تخيلوا إن واحد من أهم فنانين الكوميديا في مصر كان بيتقاله “دمك تقيل” وهو طفل؟
الفنان أحمد حلمي سفير النوايا الحسنة ليونيسف مصر بيحكي عن تجربته مع التنمُّر .
#أنا_ضد_التنمر

Can you imagine that one of the most important comedians in Egypt used to be told that he’s ‘not funny’ as a child?
أحمد حلمي Ahmed Helmy, UNICEF Egypt’s Ambassador, shares his story about being bullied. #ImAgainstBullying #ENDViolence
المجلس القومي للطفولة والأمومة – الصفحة الرسمية وزارة التربية والتعليم المصرية European Union in Egypt

Posted by ‎UNICEF Egypt يونيسف مصر‎ on Friday, August 31, 2018

كمان شارك في زيارة ميدانية لمخيم الزعتري للاجئين في الأردن في 2018، والتقى بالأطفال والعائلات السورية، واختياره سفير اليونيسف اختيار موفق لإنه من أكتر الفنانين المحبوبين في الوطن العربي من الجمهور في كل الأعمار، وشارك في اكتر من 25 فيلم قربوه من الجمهور وقدم أفكار وشخصيات كتير مختلفة قدر يوصل بيهم للناس ويبقى قريب من قلبهم، وبيتمتع بقاعدة جماهيرية كبيرة وعنده أكتر من 40 مليون متابع على صفحاته على السوشيال ميديا.

“من خلال ضمان حصول كل طفل على التعليم والرعاية الصحية والمياه النضيفة والوصول لأماكن يلاقوا فيها الحماية والرعاية،…

Posted by ‎UNICEF Egypt يونيسف مصر‎ on Wednesday, November 28, 2018

المدير الإقليمي لليونيسف في الشرق الأوسط تيد شيبان قال إن الفنان أحمد حلمي مش غريب على أسرة اليونيسف، وكمان إنهم ممتنين لجميع مساهمات حلمي في زيادة الوعي بقضايا مهمة، بما فيهم التربية الإيجابية، وتنمية الطفولة المبكرة، والحملات ضد التنمر، ومستنيين أكتر منه في دوره الجديد والمهم على المستوى الإقليمي.

آخر كلمة: ماتفوتوش قراءة: ثنائي القوة: في عيد ميلاد منى زكي وأحمد حلمي، تعالوا نفتكر أحلى لحظاتهم مع بعض

تعليقات
Loading...
Tweet
Share
Share
Pin