إيقاف مدحت شلبي عن التعليق الرياضي لنهاية العام بسبب تعليقاته على ماتش الأهلي والزمالك

أثار المعلق الرياضي مدحت شلبي غضب نادي الزمالك، أثناء تعليقه على ماتش مباراة القمة 123 بين الزمالك والأهلي يوم الجمعة. فبعد ما سدد علي معلول هدف فى مرمى الزمالك، علق عليه مدحت شلبي وقال “معلول حط الزغلول” وده اللي اعتبرته النقابة وكمان نادي الزمالك إنه مصطلح مسيء. وعلشان كده بعدها تقدم حسين لبيب رئيس نادي الزمالك بشكوى للجهات المعنية ضد معلق المباراة اللي وصفه بـ”المتحيز”.

فأصدر مجلس نقابة الإعلاميين قرار باستدعاء مدحت شلبي للتحقيق معاه بسبب الشكوى اللي بتتهمه بالتجاوز أثناء تعليقه على ماتش الأهلي والزمالك. وبعد قيام المرصد الإعلامي بالنقابة بتفريغ شريط المباراة للتحقق من وجود مخالفات، أصدر طارق سعده نقيب الإعلاميين وعضو مجلس الشيوخ قرار يوم الثلاثاء بإيقاف مدحت شلبي عن التعليق الرياضي. فهيتم إيقافه من التعليق على أي مباريات في أي وسيلة إعلامية سواء مرئية أو مسموعة في مصر، لحد نهاية عام 2021.

فتضمنت حيثيات القرار إن شلبي “خالف ميثاق الشرف الإعلامي ومدونة السلوك المهني”، في باب المبادئ العامة: “فقرة رقم 2 اللي بتنص على احترام الأديان السماوية والقيم المجتمعية وآداب وتقاليد المهنة، وفقرة رقم 4 اللي بتأكد على أهمية دور الإعلامي في حماية الوحدة الوطنية والتماسك القومي، والفقرة رقم 9 اللي بتنص على أهمية احترام الإعلامي لحقوق الجماهير مستمعين ومشاهدين”.

وأكد نقيب الإعلاميين إنه يجب على جميع المعلقين الرياضيين إنهم يلتزموا بالمهنية والحيادية وتجنب التعصب، بالإضافة للإعلاء من القيم التنافسية القويمة اللي اتربينا عليها.

عمرو أديب يمزح مع مدحت شلبي: ليه الصهللة مابتجيش إلا مع أجوال الأهلي يا كابتن وما ادتناش حتة زغلول ليه

عمرو أديب يمزح مع مدحت شلبي: ليه الصهللة مابتجيش إلا مع أجوال الأهلي يا كابتن وما ادتناش حتة زغلول ليه

#الحكاية
#MBCMASR
اشترك الآن في Shahid VIP من هنا:
https://bit.ly/3e0BRp3

Posted by ‎MBC مصر‎ on Monday, November 8, 2021

أما من جهة مدحت شلبي فعلق على الأزمة الأخيرة من خلال مداخلة تليفونية في برنامج الحكاية وبرر الموقف إنه ببساطة “معلق ولازم يقول أي إفيه علشان المشاهدين ويعمل حالة”. وتعليقًا على مقولة “معلول حط الزغلول” بشكل خاص، فقال “كلمة زغلول في المعجم العربي معناها فرخ الحمام، أو الكرة الخفيفة السريعة”، وإنه اختار كلمة زغلول علشان تمشي مع معلول.

وفي مداخلة تانية قال شلبي إنه قبل بداية الماتش قال “أنا يا جماعة هسيط الفرقة اللى هتجيب جول علشان لازم أمتع المشاهد صوتيًا” وبالتالي مش مشكلته إن الأهلي هو اللي سجل أكثر. وطالب كمان جمهور نادي الزمالك بمشاهدة المباراة مرة تانية، وأكد تاني وقال “أنا قلت هلعلع الفرقة اللي هتجيب جول علشان جمهورها يتبسط، أنا مش موظف بيعمل شغله ويروح، أنا لازم أعمل متعة صوتية للمشاهد”.

آخر كلمة: ماتفوتوش قراءة: “منع حسن شاكوش نهائيًا من الغناء: قرار نقابة المهن الموسيقية وردود الأفعال” …

تعليقات
Loading...
Tweet
Share
Share
Pin