في حدث الأول من نوعه في المملكة، هيئة الأدب والنشر والترجمة نظمت مؤتمر الرياض الدولي للفلسفة تحت شعار “اللا متوقع”، ومن المفترض إن المؤتمر ده يناقش بعض القضايا الفلسفية اللي موجودة على الساحة.
طب إيه أهداف المؤتمر ده؟
- علشان يدعموا محتوى فلسفي متعدد الأبعاد وفي نفس الوقت بيخدم كل الفئات العمرية.
- علشان يبنوا جسور تعاون مختلفة بين المؤسسات اللي مهتمة بالفلسفة وبين كل دول العالم.
طب مين اللي هيشارك في المؤتمر؟
بحسب وكالة الأنباء السعودية إنه من المفترض يشارك كبار المفكرين وقادة المؤسسات الدولية والإقليمية، بجانب مجموعة من الأكاديميين في أرقى الجامعات، ومنهم رئيس المؤتمر العالمي للفلسفة لوكا ماريا وأستاذ الأصول الفلسفية للتربية بجامعة الملك سعود، ومن الجامعة الأمريكية بالقاهرة هبة الدغيدي وأستاذ الفلسفة في جامعة بنسلفانيا في الولايات المتحدة الأمريكية.
طب والفعاليات هتبقى عاملة ازاي؟
من المفترض إنه يبقى في أكتر من 30 جلسة ومحاضرة وورشة عمل بيتناولوا موضوعات مختلفة ومن أبرزها الموضوعات المتعلقة بالفلسفة في الإسلام وأعمال اليونسكو في تعزيز الفلسفة وموضوعات تانية متعلقة بنفس الإطار. ده غير إنه هيبقى في ورش تفاعلية منم ورشة بعنوان “لماذا وكيف نلهم أطفالنا ليصبحوا فلاسفة؟”، وورشة بعنوان “إنصاف مفهوم اللا متوقع، القانون والمجتمع في مواجهة الأحداث المتوقعة”.