أكتر جُمل مرعبة بتخلينا نعيش هالوين كل يوم

بنحتفل بالهالوين بديكورات وميك أب ولبس بأشكال وشخصيات مرعبة، ونتصور ونقضي وقت حلو في احتفال مع أصحابنا والناس اللي بنحبهم، أو بنتفرج على أفلام رعب، بس احنا جايين نحتفل معاكم بطريقة مختلفة، ونفتكر جُمل بترعبنا في مواقف بنعيشها كل يوم، بتخلينا نحس الهالوين في أي يوم مش بس في 31 أكتوبر. الجمل دي من حياتنا اليومية أو شوفنا ناس بتحكي عنها على السوشيال ميديا.

“تعالى عايزك” لما تسمعها من مديرك

في وسط شغلك، جملة زي دي كفيلة تخليك تفتكر كل المصايب اللي عملتها من ساعة ما اشتغلت لحد اللحظة اللي الجملة بتتقالك فيها حتى لو انت مش عامل حاجة أساسًا، بس الجملة دي هنحتفل بيها في الهالوين من أكتر الجُمل المرعبة في حياتنا.

“رسالة بتبتدي باسمك فجأة”

قاعد في أمان الله، تلاقي حد باعتلك رسالة وبيبتديها باسمك فجأة، مش اسم الدلع مثلًا، ولا بيدخل في الموضوع على طول، لأ بيبعت يخضك باسمك لوحده كده ويسيبك تتخيل المصيبة اللي ممكن يكون جايلك فيها، لو انت جاي من غير مصيبة، لو سمحت ابعت الرسالة كاملة ماتسيبناش لدماغنا تودي وتجيب من الخضة دي.

“استدعاء ولي أمر”

دلوقتي الجملة مش بس مرعبة لإننا بنفتكر اللي كان بيحصل لما نعمل مصيبة واحنا صغيرين في المدرسة ويتعملنا استدعاء ولي أمر، لا كمان الرعب بقى بوجه جديد، لما كبرنا وحد مننا يجيله ابنه أو بنته باستدعاء ولي أمر، أو حتى حد من أولاد اخواته، نفس الرعب بس بتعيشه مع مصيبة عملها ابنك أو بنتك.

“خليني ساكتة” لما تسمعها من صاحبتك

هنتخانق؟ بتخطط لإيه؟ هتقتلني؟.. أفكار بتيجي في بالك لما صاحبتك تقولك في وسط خناقة أو عصبية “خليني ساكتة أحسن”، وده شوفناه في تويت

“هعدي عليك في الجامعة” لما حد من أهلك يقولها

وانت أساسًا خارج مع صحابك، وتجيلك مكالمة من باباك أو مامتك، يتقالك هنعدي عليك في الجامعة نروّح سوا، وانت على بعد أميال من الجامعة، تقعد تحسب حسابات فلكية وعلمية، هتلحق توصل الجامعة قبلهم؟ وطبعًا لو انت وصحابك طقت في دماغكوا سفرية صد رد، وقولتوا إنكوا في الجامعة، فهنسيبك انت تحكي بنفسك بقى حصل إيه.

لما تشوف عدد لا نهائي من المكالمات من أهلك

في خروجة مع صحابك وسيبت الموبايل شوية بس، حد من اهلك اتصل 50 مرة، وأول ما بتشوف notification بعدد المرات، بتبدأ تتخيل سيناريوهات كتير إن هتطرد من البيت؟ نصبوا صوان العزا؟

10 دقايق وتبقي في البيت

يمكن تتحط في نفس تصنيف الاتنين اللي فاتوا، لكن دي بتبقى أكتر رعب لما تبقى قايل إنك في مكان، وانت في الحقيقة في مكان أبعد، فبتتمنى الـ 10 دقايق دول يكونوا بحسابات كوكب تاني.

رسالة من البنك إنك سحبت فلوس، بس الـ ATM مطلعتش الفلوس

عن: dhliz

آخر كلمة: ماتفوتوش قراءة: أفلام رعب مصرية: ازاي بتتناول فكرة الرعب بالنسبة للمصريين، وأفلام ماينفعش تفوتها

تعليقات
Loading...
Tweet
Share
Share
Pin