في سياق دعم المواهب الشابة في قطاع الأفلام اللي بتقدمه السعودية، وأخيرًا هيتم المشاركة في مهرجان كان السينمائي بجناح خاص للسعودية، في الحقيقة المملكة بقالها فترة واخدة سكة جديدة عليها خالص، سكة مش متعودين نشوف السعودية فيها، من أول سماح السيدات هناك بالسواقة، لحد هيئة الترفيه اللي كل يوم بتعمل فعاليّات واحتفالات الناس كلها بتتكلم عنها، واللي خلت بعد ما كانوا السعوديين بيسافروا علشان يشوفوا العالم، العالم بقى هو اللي بييجي علشان يشوفهم.
على ضفاف البحر المتوسط، هتلاقي جناح السعودية اللي اتصمم بشكل عصري علشان يلفت كل الأنظار، ويناسب رغبة المملكة في دخول صناعة السينما واللقاء بنجومها وصناعها من اللي شاركوا في مهرجان كان في دورته الـ74 واللي مستمر لحد 17 يوليو.
وبيشارك في الجناح ده أكتر من جهة حكومية وقطاع خاص، وشركات سعودية متخصصة في مجال صناعة الأفلام، منها هيئة الأفلام، ووزارة الاستثمار، والهيئة الملكية للعلا، ومهرجان البحر الأحمر السينمائي الدولي، ومجموعة “أم بي سي”، وهيتم تنظيم 3 ندوات متخصصة هيقوم بيها الجناح السعودي، الأولى بعنوان “تعرف على صناعة الأفلام االسعودية”، والندوة التانية بعنوان “تعرف على المنتجين في المملكة” واللي هتنظمها وزارة الاستثمار، وده بالتأكيد هيفتح اتصالات كتيرة بين المملكة وصناع السينما في العالم كله.