سبحة حمرا بنشوفها مع الفنانة دلال عبد العزيز في أي مناسبة سواء فرح أو عزاء وفي أي لقاء تلفزيوني، معاها على طول مش بتفارقها ولا بتسيب إيديها، لدرجة إن الأمر بقى مثير للاهتمام والفضول وخلق أسئلة كتير عند الناس إن ممكن تكون حد عزيز عليها هو اللي هداها ليها علشان كده مش بتسيبها.
لكن الموضوع طلع أكبر من هدية، دلال عبد العزيز عندها ارتباط كبير بالسبح بشكل عام وبالسبحة الحمرا بشكل خاص، بتتفائل بيها وبتحس بروحانيات كتيرة لما إيدها بتلمس السبحة، بتذكر ربنا بيها في كل خطواتها في البيت، والتصوير، والبرامج التلفزيونية وأي مكان تتردد عليه، السبحة بالنسبة لها مش مجرد ديكور أو زينة، لأ دي حالة روحانية بتعيشها وقت لما بتمسك السبحة.
لو نسيتها في أي مكان، أحس إن ممكن يجرالي أي حاجة”
وصفت دلال ارتباطها الشديد بالسبحة من خلال الكلمات دي، سبحة عمرها أكتر من 25 سنة أول مرة تمسكها كانت من خلال المسلسل التلفزيوني “لا” بطولة يحيى الفخراني واللي اتعرض سنة 1994. سبحة ماستغنتش عنها حتى في أفراح بناتها، وبتفضل دايمًا إن أي هدية تجيلها تبقى سبحة.
