من فترة قصيرة، جزء من فريق سكوب زار مستشفى بهية لسرطان الثدي وقعدوا مع أربع سيدات مُلهمات قدروا يهزموا السرطان ويخفوا بالرغم من كل الظروف و العوائق اللي واجهتهم. كل حاجة فيهم من أول اللمعة اللي في عيونهم للطريقة اللي بيتكلموا بيها كانت بتبين كمية الأمل والعزيمة اللي عندهم.
وفي ضوء شهر التوعية بسرطان الثدي، قررنا إننا ندي لجمهورنا نظرة على جزء من حياة ورحلة السيدات المحاربات دي اللي تقدر تشجعك تتخطى كل الظروف الصعبة في حياتك.