بنحتفل النهارده بعيد ميلاد الفنان المصري وائل نور، اللي اتولد في 24 أبريل من سنة 1961، واتوفى عن عمر 55 سنة، في 6 أبريل من سنة 2016.
اتخرج الممثل المصري من المعهد العالي للفنون المسرحية، بعد ما اتخرج بدبلوم من معهد السكرتارية.
كان المخرج المصري أحمد فؤاد، هو اللي اكتشفه فنيًا، وقدمه في مجموعة من الأعمال الدرامية والسينمائية، ولكن نجاح الجماهيري الحقيقي كان على إيد الفنان فريد شوقي.
اتبنى فريد شوقي الفنان وائل نور فنيًا في مسلسل (البخيل وأنا)، وقدر في المسلسل ده يلفت أنظار الجماهير في العالم العربي، ومن بعدها اتحول لنجم كبير في مسلسلات تانية.
من المسلسلات المهمة اللي اشتغل فيها (ذئاب الجبل) و(صابر يا عم صابر)، وبحوالي 80 مسلسل مصري، سطر الفنان وائل نور رصيده الفني.
ظهر وائل نور بعد وفاته بتلات سنين في مسلسل (شقة فيصل)، اللي اتعرض في الموسم الرمضاني في سنة 2019، بعد ما صور مشاهد منه قبل وفاته في 2016.
اتجوز مرتين، المرة الأولى من الفنانة أميرة العايدي، والمرة التانية من غادة محمد، اللي أنجبت منه ابنه الأصغر بعد وفاته بتسع أيام.