اتولد الفنان الشاب محمد الشرنوبي في 4 يناير من سنة 1995، وهو ممثل ومغني مصري، وابتدينا نشوفه في أعمال تليفزيونية في سنة 2008 زيّ “وكالة عطية”، و”في يد أمينة”، و”الداعية”، و”لا تطفيء الشمس”، وشوفناه كمان في أعمال سينمائية زيّ فيلم “السفاح”.
وفي عيد ميلاده هنأه الانفلونسر الشهير مكاوي على صفحته على ستوري انستجرام بصورة ليهم هما الاتنين، وكمان الفنانة الجميلة أمينة خليل احتفلت بيه على ستوري صفحتها على انستجرام بمقطع فيديو ليهم من مسلسل “ليه لأ”، وكمان الفنان كريم فهمي استخدم نفس الخاصية على موقع انستجرام، وكتب “كل سنة وانت طيب يا شرنوبي يا حلو كل سنة وانت طيب يا صاحبي وان شاء الله الفوتومونتاج بتاعنا يكسر الدنيا”.
وكمان مراته راندا رياض كتبتله على انستجرام “كل سنة وأنت طيب يا أحلى حاجة وأهم واحد في حياتي كلها، كل سنة وأنت طيب يا حب عمري، ربنا يخليك ليا ويحفظك ويحميك يا أطيب قلب في الدنيا”.
آخر كلمة: بنهنيء الفنان الجميل الموهوب محمد الشرنوبي وبنتمنى له التوفيق.