كل سنة في رمضان بنتعود على المفاجآت بأطباق الحلويات، بس السنة دي، الكنافة قررت تاخد الموضوع لمستوى تاني خالص! من أول كنافة الملفوفة لحد كنافة القلقاس، شكلنا مش بس هنسأل “هنفطر إيه؟” لكن كمان “هنحلي بإيه؟!”
الافتكاسات وصلت لمرحلة التريند، وكل محل بيحاول يخترع حاجة جديدة تخطف الأنظار.. يا ترى كنافة رمضان 2025 كانت بتقول إيه؟ وهل الافتكاسات دي تستحق التجربة ولا هنرجع للكلاسيكيات؟
لا تفوّت قراءة: طبق الكشري: سر مشترك بين محمد صلاح وعمر مرموش في رحلتهما الاحترافية في أوروبا
كنافة بكيك الفراولة.. خدعة حلوة بمفاجأة أحلى!
من بره شكلها كيكة فراولة بريئة، لكن أول ما تقطعها، المفاجأة هتظهر قدامك!
هتلاقي طبقة كنافة مقرمشة مستنياك، مع كيكة إسفنجية بالفانيليا، وكريمة ناعمة، وقطع فراولة جوه وبره.
السعر 390 جنيه من نولا، وتقدر تطلبها أونلاين أو من خلال الخط الساخن 16714.
عاوز تعرف أكتر عن حلويات رمضان؟ التفاصيل كلها من هنا!
البسمولة المعكوسة.. حلو يا حلو!
السنة اللي فاتت شفنا البسمولة لوحدها، لكن السنة دي القصة مختلفة تمامًا!
البسمولة بقت معكوسة، وغرقانة بالبستاشيو، مع رز بلبن، وكنافة البستاشيو اللي بتكمل الحكاية.
الحلو متوفر في TBS وتقدر تطلبه من كل الفروع، وكمان 10% من المبيعات رايحة لدعم أطفال مستشفى الناس.
يعني هتحلي وغيرك هيحلي! وعلشان التحلية تكمل، فيه خصم 10% على أول طلب باستخدام الكود TBSRamadan10، وسعرها 850 جنيه!
لا تفوت قراءة: أشهر الأكلات التي لا يستغني عنها المصريون.. ماذا تأكل في أول يوم رمضان؟
ماتيلدا.. طبقات كنافة مقرمشة مع صوص فستق وكيك فادج غني
طبقات كنافة مقرمشة، وصوص فستق، وكيك فادج غني، مع قطع فستق ورشة ورد تفتح النفس وتكمل الألوان.
محدش عارف ليه اسمها “ماتيلدا”، بس اللي أكيد إنها تستحق التجربة!
سعرها 485 جنيه، وتقدر تطلبها من يايا سويت عبر الخط الساخن 15433 أو من صفحتهم على إنستجرام.
كنافة بالقلقاس.. الافتكاسة اللي قلبت السوشيال ميديا!
من أول شكلها لحد فكرة “القلقاس”، الكنافة دي عملت جدل كبير، خصوصًا لما الناس عرفت إن سعرها 800 جنيه!
الغريب إن التقييمات عليها إيجابية، والناس عجبتها تركيبة الطعم رغم غرابتها.
المكون الأساسي؟ صوص التارو اللي لونه بنفسجي ومصنوع من القلقاس الياباني، وبيتغطى على طبقات الكنافة مع الباستري كريم.
لو حابب تجربها، تقدر تطلبها من حساب ARA على إنستجرام!
كنافة واو كيك.. بتضيف الصوص بنفسك وتشوفه وهو بيغرق التارت
السنة دي الحلويات مش بس طعم، دي كمان تجربة! كنافة واو كيك مميزة بطريقة تقديمها، لأنك بتضيف الصوص بنفسك وتشوفه وهو بيغرق التارت.
المكونات؟ كنافة، آيس كريم فانيليا وشوكولاتة، براونيز، وطبقة شوكولاتة مقرمشة، والأجمل إنك بتكسرها بنفسك بالشاكوش اللي بييجي معاها!
سعرها 521 جنيه، وتقدر تطلبها أونلاين من سلطانة آيس كريم من هنا!
سينامون كنافة رول.. تجمع بين شكل السينامون رول والدونتس
رمضان السنة دي جاب لنا شكل جديد للكنافة.. سينامون كنافة رول، اللي بتجمع بين شكل السينامون رول والدونتس، لكن بالنكهة الشرقية للكنافة!
والحشو؟ عندك اختيارات كتير: شوكولاتة، فستق، لوتس، أو كراميل، وكلها مع نكهة القرفة اللي مش هتفارقك في كل لقمة.
الأسعار:
- كنافة سينامون رول شوكولاتة أو كراميل بـ65ج
- كنافة سينامون رول لوتس بـ70ج
- كنافة سينامون رول فستق بـ75ج
هتلاقيها في محلات العبد أو تقدر تطلبها من الخط الساخن 17111 أو من تطبيق العبد من هنا!
لا تفوّت قراءة: تحديات الطعام في الوطن العربي: هل تستحق المغامرة مع صحتك؟
من المكشوفة للملفوفة.. كريمة شوكولاتة بالبندق بنسبة 30% مع كنافة مقرمشة
كل سنة تورتينا بتفاجئنا بأسماء غريبة للحلويات، من المكسوفة لـ المكشوفة لـ الغرقانة، وكل اسم ليه قصة. لكن السنة دي، افتكاسات الكنافة في رمضان 2025 خلتها ملفوفة داير ما يدور!
المكونات؟ جياندوجا، وهي كريمة شوكولاتة بالبندق بنسبة 30%، مع كنافة مقرمشة، في تركيبة جديدة كليًا.
السعر؟ 845 جنيه، وتقدر تطلبها من هنا أو من صفحتهم على إنستجرام!
كنافة طربوش سي السيد.. “حاجة 13 خالص”
بعد ما المالكي فاجئنا السنة اللي فاتت بـ أهرامات الكنافة، قرر يرجع بالزمن ويقدم لنا كنافة مستوحاة من زمن الأبيض والأسود مع طربوش سي السيد!
الكنافة دي معمولة بأسلوب جديد، فيها طبقات من الكنافة المقرمشة مع ريد فيلفيت، مكسرات، ولوز مكرمل، وطبعًا النكهات اللي هتحلي التجربة:
- مانجا منعشة – 390 جنيه
- كريم بروليه ناعم – 450 جنيه
- فراولة بجوز الهند – 480 جنيه
تقدر تطلب طربوش سي السيد أونلاين من هنا أو تزور أقرب فرع للمالكي.