بواسطة منة حسني.
دولة الإمارات العربية المتحدة بترحب بعيد الأضحى، أحد أجمل الشعائر الإسلامية، في العاشر من ذي الحجة بمجموعة من الفاعليات والاحتفالات المميزة اللي بتزود من فرحة العيد وطقوسه التقليدية زي تكبيرات وصلاة العيد، والزيارات العائلية. وعشان كده قررنا إننا نرشحلك مجموعة من الأماكن المناسبه لقضاء أجازة ممتعة، مع طبعًا الأخذ في الاعتبار الظروف العامة والمحيطة بانتشار فيروس الكورونا.
متحف الغموض
المتحف بيحتوي على مجموعة من أكثر الأنشطة متعة وغرابة، وهو موجود في ممشي السيف تحديداً “خور دبي”، وبيتوفر فيه ألعاب كتيرة جدًا مليانة بالتأثيرات الحسية، والبصرية اللي بتزود المتعة والغموض، وهي مناسبة لكل أفراد العائلة سواء كبار أو أطفال.
الأطفال بطبيعتهم بينجذبوا لكل ما هو غامض ومثير، ولو حابين تنشطوا فضول أولادكم، وتعلموهم مهارات جديدة يبقى هو ده المكان المناسب ليكوا في أجازة العيد، وده رقم التواصل للأستفسار عن أسعار التذاكر والمواعيد: 043573999.
دبي كارتدروم
المكان ده بيضم مجموعة متنوعة من السباقات اللي كلها إثارة وتحدي، ووتقدروا تسوقوا العربيات السريعة فيه، وتعملوا تحدي السباقات في تراكات كبيرة واحترافية، والمكان كمان بيتيح حاليًا لأي حد بيشتري تذكرتين إنه ياخد تذكرة مجانًا، ولكن بشرط استخدمها في نفس اليوم، و العرض ده ساري لحد 13 سبتمبر، ورقم التواصل هو : 8005278464.
مهرجان صيف دبي
كل سنة بتقوم مجموعة من الفاعليات المميزة ضمن مهرجان صيف دبي، والفاعليات دي بتضم مجموعة كبيرة من المفاجآت لكل أفراد العائلة، وبتوفر أقصي درجات المتعة والانبساط. ومن ضمن مميزات مهرجان صيف دبي، إنه بيوفر للمشاركين فيه تخفيضات في المولات، وعروض في المطاعم والكافيهات، والمسابقات المربحة زي مسابقة صندوق الحلويات في نخيل مول عند الشراء بقيمه 150 درهم، وده غير الاحتفالات الجميلة في أنحاء دبي المختلفة.
إكس لاين دبي مارينا
هو واحد من أطول المسارات الإنزلاقية في دبي، وبيوصل ارتفاعه لـ 170 متر في الهواء، وطوله 1 كيلومتر. ولما بتجربوه بتوصل سرعتكم لـ 80 كيلو متر في الساعة، وبتعتبر من أمتع الفاعليات لعيد الأضحي المبارك، و ممكن يتم الحجز عن طريق كشك إكس لاين في مرينا مول.
عروض فندق كمبينسكي
بمناسبة الاحتفال بعيد الأضحى المبارك، فندق كمبينسكي عامل مجموعة من العروض بإقامه مريحة وممتعة مقابل 899 درهم بس. والفندق كمان عامل خصم 50% علي الغرفة الثانية لو حجزت غرفة جراند ديلوكس، والفطار هيكون طول فترة العيد مجاني للأسرة الصغيرة المكونة من فردين وطفلين، وفي خصم 20% علي صالات الفندق، وتذكرتين مجانًا لحضور عرض سكاي دبي سنو بارك.
أوبرا دبي
في واحدة من مفاجآت صيف دبي، مجموعة MBC ومبادرة “عيد الأضحى في دبي” هينظموا حفل تاني أيام العيد في أوبرا دبي هيحييه كل من الفنان الكبير حسين الجسمي والفنانة المتألقة يارا، وهيكون معاهم مجموعة من الأطفال المشاركين في برنامج “The Voice Kids”.
عائد الحفلة هيتم التبرع بيه لصالح مؤسسة اليونيسيف لدعم الأطفال في ظلِّ جائحة كورونا.