ومن تاني دبي دخلت موسوعة جينيس للأرقام القياسية، وده بسبب أعمق حوض للغوص في العالم، عمقه 60 متر وبيشيل 14 مليون لتر من المياه. وتم افتتاح الواجهة اللي بتحتضن أعمق حوض للغوص يوم الأربعاء في منطقة ند الشبا، الحوض اتعمل على مساحة 1500 متر مربع، وفيه غرفة للعلاج بالضغط العالي في حالات الطواريء، واللي تعتبر الغرفة الأكتر تطورًا في المنطقة، واتبنى جواها مدينة غارقة فيها شوارع مهجورة وأجهزة ألعاب فيديو.
يعتبر حمام السباحة “حوض الغوص” هو أحدث معلم جذب في دبي اتعمل في الفترة الأخيرة، ويعتبر أكبر أربع مرات من أي حوض سباحة تاني، واتعمل على شكل “محار”، ودرجة حرارة المياه فيه 30 درجة، وبيضم 56 كاميرا منتشرة حول المدينة، ولو أنت مابتحبش الغطس، هتلاقي مطعم بيشيل 80 كرسي مجهز بشاشات تلفزيون.
هتشوف فعلًا عالم كامل في Deep Dive Dubai. المكان زاره ضيوف مهمين وعالميين زيّ الممثل العالمي “ويل سميث”، وولي عهد دبي الشيخ حمدان بن محمد.
وقبل كده y-40 Deep joy سجل الرقم القياسي لأعمق حوض سباحة في العالم في شمال إيطاليا، واللي صممه المهندس المعماري الشهير إيمانيول بوراتو، وكان جوا فندق Terme Millepiniوكان من الحاجات المبهرة اللي فيه، نفق معمول بشكل مختلف، ومعلق تحت المياه وشفاف تمامًا، يخلي الناس الغير السباحين، يجربوا تجربة السباحة من غير أي بلل.