في وسط الظروف المحيطة بسبب الاحتباس الحراري وانحسار هطول الثلوج في أكتر من دولة عربية، المغرب حاليًا بتستقطب السياح والزوار من أماكن كتير في العالم للاستمتاع برياضة التزلج، لإنها بتوفر رفاهية الاستمتاع بالثلوج خصوصًا في الفترة بين نوفمبر وأبريل، في منتجعات سياحية بتقدر تجذب سياح من دول مختلفة من اللي حابين يتسمتعوا بالأجواء دي.
الزائر الأبيض بيملا بلاد عربية زي جبال لبنان ومناطق من سوريا والأردن، وكمان جبال سيناء في مصر وفي ولاية سطيف في الجزائر وجبال تونس وجبال الأطلس في المغرب.
جدير بالذكر إن المغرب اتعرضت لسنة من الجفاف في السنة اللي فاتت، لكن السنة دي الثلوج بترجع مرة تانية وتجذب السياح المحبين للنوع ده من السياحة والرياضة علشان يستمتعوا بوقتهم المفضل من السنة، وكمان في وقت بنشوف فيه ظواهر مناخية غريبة والثلوج مش بتغطي الأماكن اللي متعودين نشوفها فيها، والتغيرات المناخية غير متوقعة.
لو حابين تعيشوا تجربة ماتتنسيش، ممكن تجربوا تزوروا أوكيمدن اللي تعتبر المنتجع الرئيسي للتزلج في المغرب وبتقع على بعد 74 كيلومتر عن مراكش، وبيبلغ ارتفاع الجبل هناك 3.200 متر فوق مستوى سطح البحر، وبيتميز بإن قمته مغطاة بشكل شبه دائم بالثلوج.