أصدر النائب العام السعودي الشيخ سعود بن عبدالله المعجب أمر بالقبض على وافد. الوافد ده أعد وكر لممارسة الدعارة والاستغلال الجنسي لعدد من العاملات المتغيبات عن بيوت الكفلاء. وتم إحالته للنيابة العامة علشان يتخذوا الإجراءات النظامية.
ووفقًا لوكالة الأنباء العامة السعودية (واس) إن ده كان بناءًا على فيديو انتشر على مواقع التواصل الاجتماعي. ومحتواه عبارة عن وافد من جنسية آسيوية بيقوم بإعداد وكر للدعارة. وبيستخدم فيه العاملات في مدينة الرياض وعلى أساس الفيديو ده السلطات السعودية استنفرت وأمرت بالقبض عليه.
ووفقًا اللي اتقال على لسان وكالة الأنباء السعودية: “إن النيابة العامة هتقوم بإحالة الجاني للمحكمة المختصة. للمطالبة بإيقاع العقوبات المنصوص عليها في نظام مكافحة جرائم الإتجار بالأشخاص. واللي عقوبتها بتوصل لـ15 سنة أو غرامة ممكن توصل لمليون ريال، أو العقوبتين مع بعض مع تشديد العقوبة عليه طبقًا للمادة الرابعة من نفس النظام.”.
السنة اللي فاتت كان في حادثة شبه اللي حصلت بس كانت مع تنظيم عصابي. كان كل شغله إنه يسرق الشباب ويبتزهم في المملكة من خلال السوشيال ميديا وحساباتهم الشخصية. علشان يستدرجهم للشقة ويصورهم في أوضاع مخلة.
وفي سنة 2008 كشفت هيئة الأمر بالمعروف والنهي عن المنكر بالتعاون مع عدد من فرق تابعة للشرطة فى بعض المناطق السعودية. أكتر من وكر للدعارة وتم ضبط عدد من الفتيات والشباب المتورطين فيها. والتقارير الصحفية وقتها أشارت إن أكتر من 1180 بنت كانوا متورطين في مأزق الدعارة والاستغلال الجنسي وترويج المخدرات.