بالتعاون مع نيكون الشرق الأوسط، منارة السعديات تطلق معرض سماوات باستخدام الواقع الافتراضي لأول مرة بسبب انتشار فيروس كورونا المستجد، لاستكشاف طرق جديدة للتواصل بين الفنانين والجمهور من خلال الإبداع، ومواكبة التكنولوجيا وكمان الالتزام بالتباعد الاجتماعي والبقاء في البيت، المعرض مستمر لحد 30 ديسمبر الجاي، وبيسلط الضوء على إبداع المصور الفلكي سامي العلبي.
معرض سماوات بيتيح للمشاهدين إنهم يندمجوا في جولة في أعماق الصحراء واكتشاف سماء الليل من خلال عيون سامي العلبي، والصور اللي في المعرض هيتم توضيح منهج التصوير الفوتوغرافي من خلالها، والصور دي هتاخدك من وأنت في مكانك لرحلة جميلة وسط السما والنجوم والكواكب، انطلاقًا من منارة السعديات الإماراتية اللي بتدعم أشكال مختلفة من الفنون.
سامي العلبي مصور فلك مصري من أصل سوري، علوم الفلك والفنون كانت هي شغفه من وهو طفل، واتعود يروح في رحلات للتخييم وبيتأمل في السما والنجوم ويحلم بالسفر للفضاء بين المجرات والنجوم، ولما كبر دفعه الشغف ده لإنه يروح للتصوير الفوتوغرافي ويتخصص في تصوير الفلك بالتحديد، رغم شغله الأساسي في إدارة المنشآت، لكن ده موقفهوش عن شغفه بالفضاء وكمان التصوير، اللي بيعتبره تجميد للحظة جميلة من الوقت، أو مشهد جميل ومشاركته مع العالم، وكمان تعبير عن الأفكار والمفاهيم ونقلها.
آخر كلمة: ماتفوتوش قراءة: عاوز تتعلم تصوير ومش عارف تبدأ منين؟ جبنالك مجموعة من النصائح هتنمي بيها مهاراتك.