لما تيجي سيرة الفساتين الأنيقة، والرقي، والذوق العالي، مينفعش منتكلمش عن نجوى كرم اللي بتُعتبر أيقونة للجمال ومن الشخصيات اللي بنستنى برامجها وحفلاتها، علشان مش بس نستمتع بصوتها وشخصيتها المرحة، ولكن كمان علشان نمّلي عنينا من إطلالاتها المميزة ولتفاصيل فساتينها اللي دايمًا بتبقى مختاراها بدقة ومكملة للشكل المثالي لطلاتها.
بعد ما ظهرت نجوى مؤخرًا في أولى حلقات برنامج “The Voice Senior” بفستان ALEX PERRY، وسيطر اللون الأخضر الفسفوري على إطلالتها ، بكتف واحد وشق جانبي طويل، الكل اتكلم عن جمال الفستان اللي اتكلف سعره 1365 دولار.. واعترافًا وتقديرًا منا لاختيارات نجوى اللي عُمرها ما بتخيب ظننا، جمعنالكم بعض الفساتين المميزة اللي أبهرتنا نجوى بيهم ونشرتها على أكونت الانستجرام بتاعها.
