جزيرة هرمز هي جزيرة إيرانية موجودة في الخليج العربي في مضيق هرمز، ومساحتها 42 كم مربع، وفي القرن الـ 16 كانت بتتبع للامبراطورية البرتغالية، وموجود فيها قلعة برتغالية تاريخية، وعلشان كده تعتبر وجهة سياحية مهمة وبيزورها السياح من كل مكان في العالم.
جزيرة هرمز معروفة ببحرها ورملها الأحمر، وده بيرجع لوجود صخور رسوبية فيها وطبقات من المواد البركاني على سطحها، وموجود كمان عليها صخور بأشكال حيوانات، وده برضه بيرجع لكون الجزيرة عمرها تقريبًا أكتر من 600 مليون سنة، والجزيرة طلعت برا المياه من 50 ألف سنة بس، فأشكال الصخور تشكلت على شكل الحيوانات اللي ماتت على مدار السنين دي كلها.
منظر الشاطئ على الجزيرة دي ساحر، في ناس كانت بتخاف منه أو بتستغربه لإن شكله دموي، ولكن الأكيد إن منظره بيدل على عجائب الطبيعة، اللي قادرة تعمل أي حاجة وتكسر أي حاجة ثابتة زيّ في الحالة دي لون مياه البحر والرمل.
