مفيش حد فينا موقعش في حب مسلسل بـ 100 وش بسبب أبطاله اللي قدروا بخفة دمهم وتلقائيتهم إنهم يبقوا قريبين من قلوب الناس. وحتى بعد انتهاء المسلسل، استمرت الـ “Vibe” المرحة والبسيطة معاهم، وحب فريق العمل لبعضه وقربهم، هو اللي إدى الإنطباع إنهم حرفيًا “الشلة المثالية” اللي أي حد يتمنى يبقى جزء منها. فضل الإنطباع ده عندنا لحد امبارح بس، لما نشرت مخرجة وربة المسلسل كاملة أبو ذكري، كلام على صفحتها الشخصية، بتنتقد فيه بعض أبطال المسلسل.
تضمن منشورها كلام بيتكلم عن إن إزاى بعض الأبطال أصابهم الغرور والتكبر اللي بقى مسيطر على تصرفاتهم بعد النجاح الكبير اللي شهده المسلسل، فبعد ما أكدت إنها شافت التغير ده بنفسها، هاجمتهم قائلة “إنتوا مين أصلًا” ونصحتهم إنهم يرجعوا للبساطة والتواضع لإن “الغرور مقبرة الفنان”.. والغريب إن بعد فترة من نشرها للكلام ده، قفلت المخرجة كاملة أبو ذكرى حسابتها الشخصية على السوشيال ميديا، فهل كان ده بسبب الردود اللي جات لها؟
هل هيمر الكلام ده مرور الكرام، من غير ما يبقى في دفاع من الطرف الآخر اللي وقع عليه اللوم والهجوم؟ أكيد لأ، وإلا مكناش لقينا كاملة مختفية من الساحة الإلكترونية بعد وقت مش طويل من تعبيرها عن رأيها. فكتير من أبطال المسلسل ردوا على كلام كاملة، والحقيقة إن طريقة الرد اللي اتبعوها كانت بتوحي بعكس الكلام اللي اتقال عليهم تمامًا، فمنهم اللي أخذ الموضوع بطريقة بسيطة، مستخدمين الهزار في الدفاع عن نفسهم، ومنهم كمان اللي اعتذر لو كان بدر منه أي تصرف بدون قصد شكل عندها الإنطباع ده، بالإضافة لاعترافهم بجمايل المخرجة والجمهور اللي وصلهم للشهرة دي..
رد زينب غريب
مصطفى درويش
وأضاف كمان درويش رد على منشور مخرجة المسلسل وقال”بس أنا ليّا عتاب على حضرتك، أنتِ عارفة قيمتك عندنا كلنا، لو حد مننا غلط وحضرتك واجهتيه هيسمع الكلام وهيرجع عن اللي بيعمله”..
إسلام إبراهيم
دنيا ماهر
معظم الممثلين أخذوا الموضوع بصدر رحب وحتى لو كان في عتاب فكان من باب العشم والمحبة، فمن الواضح إن الممثلين اللي ردوا كانوا حريصين على توضيح المسئلة لها. أما بالنسبة للجمهور فكان فيه اللي شاف إن مكنش في داعي تنتقد الممثلين على الملأ وتدمر الصورة الذهنية الجميلة اللي عند الجمهور لـ “crew” المسلسل وترابطهم المميز.. وفي اللي شاف إنها كانت مجرد نصيحة بنية سليمة.